2 Timoteo 2:24 - Biblía Axweesantá Hhohho' ar Mungú 2004

²⁴ Ala lawaalmoó Aako miwa gilín. Ala masók a heé hhoó' dír umuúqo heewo. Slám masók a intsaahhatusmoó hhoó', nee heé qiqtlíngw baál.

Ya/abtór hho' 1977

²⁴ Ala lawaalmoó Aako miwa gilá a'áy. Ala masók a heé hhoó' dír umuúqo heewo. Slám masók a intsaahhatusmoó hhoó', nee heé qiqtlíngw baál.

2 Timoteo 2:24 Iomraidhean Croise

2 QOM'I 24:6

Naagáy waawutmo geeraharusmooín Yehoyada guri ateét, guri yaahaás, «Ahaá baré múk tlahhoó Laáwi ugwa kángw beeriiká ohmér peésa kawa buruumburi dír múk Yudawo, nee oo Yerusalemuro, ohme adoodá' Mose sagadiyusmoó AAKOÓ MUNGÚ ngira oó', ohmeedá' taa uhín as heémadá' hhoohhoo' ar AAKOÓ MUNGÚ.»

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

DANIELI 6:20

Iwa tseewúy bihhaá mar'i, Danieli guri ateét ar afór gurhaami, iwa kaahi, «Daniéli, sagadiyusmoó Munguú slaáf. Xáy Munguúwók kudá' ta sagadiyumaamis umuú daqto ugwa aleesláyi tu/to dír direeriwo?»

Matayo 12:19

Inós i tlaampa'aamisiiká, nee i tseeiiká ar afór ur. Slám hee afoorós ga axaasiiká baraá loohiro.

Yohana 6:52

Múk Yahudi tari kilooín kaangaanuús tari oó', «Ahaá, heewí adór slaqwtós ngir atén i haniisi a adoomá kawa /ayaan?»

Tlehhema'aá ya/Abuuse 15:2

Paulo nee Barnaba tiri ló'wa tlaampa'amisiyé' nee mukwí, tari kaangaanuús. Hhae kwasleema ngiri tsatiyé' Paulo nee Barnaba nee múk hatlá' baraá tla/angw'ine ta tsa/an ay Yerusalemu, amór ya/abuuse nee amór bariise, as daanduú yaahastí.

Tlehhema'aá ya/Abuuse 23:9

Tsimaahhi iri ló' wa tláhh. Intsaahhatuusér hara'ayár Mose bahh'alé, tidár bartá múk Farisayo, tana sihhiít, kuri lo'wa aleekalaá/, tari oó', «Atén tlakweemaá ta ara'araan dír heewihe i kahhiyá'. Hám wané kwaa tsuwa i axweés nee qeeru laqaá nee malaykamo.»

Tlehhema'aá ya/Abuuse 7:26

Looaytleérós iri malé daqáy amór hhaeewós. Iwa hardáh naxés múk tsár oo Israeli ti muux. Giri har'ohín iri oó', ‹Xaysé' muk'eé', kuungá' a hhae, mas giliindá'?›

2 korinto 10:1

Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

2 korinto 10:4

Xooslaadár slaqwara ar atén tar slaqwaan a tidár múk baraakaá yaamuuwooká, ala a xooslaadár slaqwara ar Mungú, tidár /uuruú koom. Xooslaarí an tidá' koo/ír gawit kar fee/aan. Gár atén ta fee/itaan a axweesanayduú lama, kudá' Munguú tlaampa'aamiís.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Efeso 4:2

Umuúqo daqto masók ti niinaweemisá' nee tawa múk tsatsa'arén, nee oo qiqtliím, tam tiwa sa qiqtliinda' ar baraá sla'aari.

DABE 34:5

Naagáy Mose, sagadiyusmoó AAKOÓ MUNGÚ, iri gwaá' baraá yaamaá Moabu, adoodá' aáng AAKOÓ MUNGÚ ngira oó'.

Filipi 2:14

Umuúqo gaaro bar tlehhitá', ma tlehhitaara' ar qununu/aay nee tlaampa'aamis.

Filipi 2:3

Umuúqo gaaro ma tlehhiitara' ar fola, laqaá ar daara/aangw. Ala masók umuúqo heewo tin kilós niinaweemiis.

Kolosai 3:13

Kuungá' kiloohúng ti sa qiqtliinde', nee ti gurtlatleere' hee bar kuqá' gwa sa dakuús. Gár kuungá' tunduwa hariím a tin kiloohúng gurtlatleerá' adoodá' Aako kuungá' nura gurtláy.

1 Tesalonike 2:7

Ala geeraawo a gár hariim atén ar yaariir kawa dirhúngií sla'aan as atén tawa ya/abuusér Kristo. Ala qoomár atén tawa tla/angwhúng i diriiaan, atén a múk tsatsaa'arén dirhunge, adoodár aayo na/iiwós ngir amohhe'eemaamis ar tsatsaa'areema.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

Tito 1:1

Anuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee kángw looeema nguwa xuiya', kudá' hariím as Mungú kuwa ilaiwawa/i,

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.

Tito 1:9

Inós masók a heé axweesantá haratlintaao gaa oh, adoodá' kura intsaahhatimís, as muu nguwa aleeslay gurbu'ungo ar axweesantadár ló', nee múk axweesantadá' ga siaasií' nguwa ar ba/i.

Tito 3:2

Inooín muu mukuwa daandeemo axweés, ala inooín masók a múk gilimaaká nee oo hhó', nee umuúqo daqto masók a múk tsatsaa'arén dír muu sleémeerowo.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

Yakobo 4:2

A mak ilatleeruusá', ala gár ta koonda' i káhh. A mak tsu/utá' nee da/i nu mak ohiín, ala gár ta slasleera' i káhh. A mak slaqwá' nee a muxutá'. Gár ta koonda' i káhh asma a firiiriinda'aaká.

YOSHUA 1:1

Sagadiyusmoó AAKOÓ MUNGÚ kudá' ta bay Mose iwa gwaá', AAKOÓ MUNGÚ Yoshua garmoó Nuni alee/iisusmoó Mose, guri báy,

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.