2 Timoteo 2:22 - Biblía Axweesantá Hhohho' ar Mungú 2004

²² Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

Ya/abtór hho' 1977

²² Ala kuúng ilatleeridár masoombi'iima ilaguweek. Ilakaaharu na tleehheek gan'amu kuwa sleer, nee haratlintaao, sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

2 Timoteo 2:22 Iomraidhean Croise

WARA'AMI 119:9

Adór masoomo slafiingós ngur qoomeesi? Aqo bar axweesantók birnga óh.

WARA'AMI 17:1

AAKOÓ MUNGÚ, firor'eé' iiárií qaaseek as sakwasleemár ganaa' ngiwa slaw. /Aa/ee'eé' iiárií qaaseek, firor'eé' ar tsáp ilaooheek.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 6:5

Ti kilók tu/ baraá tsaaxweelisinge, adór saaragi ir kotsqomaamit dír slakaatusmoowo, nee adór tsir/i ir kotsqomaamit dír naqfihe.

AXWEESANOÓ SAGALOOA 7:8

Naxés loohír ira óh afkú doó /ameenidá' gunar waaráhh, loohír amór doó /ameenidá' kaw gari ar paásl.

TLAHHOÓ LAÁWI 15:18

Barnaxes hhawaata nee /ameeni taa fuquús, ma'aay nay ti'iitiyé', harihhoóar'ín aqo tan ma'ár hamtlín, nee inooín i baraá meeta ay tsiindo.

Tlehhema'aá ya/Abuuse 7:59

Qoomaadá' Stefano kuwa tlaquuti ar tlaa/e inós iri firín iri oó', «Aakoó Yésu, qeeruueé' ilaooheek.»

Tlehhema'aá ya/Abuuse 9:14

Slám ayaawihe hara'aya ga kón ar amór kaahamusér uren ar Mungú daahh, ar mukdá' sleémeero umuuwók ateetimá' nguwa tsegiiti.»

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

1 Korinto 1:10

Hhaee'eé', án kuungá' nu harhheehhe'eés ar aleesleemuudá' Aakoorén Yesu Kristo naa aníngí haniís, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 10:14

Gawaá adoorihe, sla'aaruuser'eé', kuungá' sluufmisuú munguaá hatlá' ilaguwaak.

1 Korinto 14:1

Kuungá' sla'aari ló'wa leelehhiitaak. Nee aleesleemuú Qeeru sleeme leelehhiitaak, kawa ure aleesleemuú tawa aaririinda'.

1 Korinto 6:18

Gawaá adoorihe kuungá' fuqi ilaguwaak. Umuúqo tlakweemaá hee i tleehhi, gi slaqwtósí tlehhiitiiká. Ala heé fuquús, inós slaqwtós gan tlakweemií tlehhiit.

1 Timoteo 1:14

Aníng gurtleemuú Aakoorén una ló'wa sláw, dinkwa nee haratlintaao nee sla'aari tidá' ta koomaan baraá Kristo Yesuwo.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gáwtí tleemisiyá' baraá firooro.

1 Timoteo 4:12

Hee masoombi'iimarók mingiwa waaqaá', ala kuúng na slaqsaay tleehhiít dír mukdá' aa haratlintii'i ar baraá axweesanaywók nee baraá tlehhemi'iiwók nee slám ar baraá sla'aari nee haratlintaao nee hhohhoaari.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.

1 Petro 3:11

Inós tlakweema ngi may nee tlehhema'aá hho' ngi tleehhi. Wayda ngu leeleehhi ar ilakaaharu.

3 Yohana 1:11

Sla'aarúsmo, tlehhma'aá tlakw mi eeharaar, awa hho' na eehareek. Heé tlehhma'aá hho' gi tlehhiít a heé Mungú. Ala heé tlehhma'aá tlakw gi tlehhiít, Mungú gwa ariiká.