2 Timoteo 2:2 - Biblía Axweesantá Hhohho' ar Mungú 2004

² Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

Ya/abtór hho' 1977

² Kuúng aga axás tidá' sleémeero aníng naa intsaahhatimís dír geerá múk wa ale. Kuúng intsaahhasarí ka qás dír dabaá múk inkihhimuú koóm i alé, kudá' aleesleemuú koóm oo múk hatlá' intsaahhasaro gu aleesláw.

2 Timoteo 2:2 Iomraidhean Croise

ESRA 7:10

Asma Esrawí muunaáwós guna amór Mungú xu'ús, dabér AAKOÓ MUNGÚ ngiwa intsaatsahhi nee ngiwa tlehhiiti, nee kaahír Mungú ngiwa intsaahhatimisi baraá yaamaá Israeliwo nee tidá' ngwaa bayi.

ESRA 7:25

«Nee kuúng, Esra, ar adór sagalooár Munguúwók i diria gawaá dabaawoge kwasleemuuse nee har'ohuuse qaaseek, as muu sleémeero kuduú ayeemaá gayuú /uwa yaaér Eufratero nguwa har'ohina'. Inooín masók a múk dabér Munguúwók ga xuú', kuúng na intsaahhatiseek.

NEHEMIA 7:2

aníng hhiyaeé' Hanani nguri ga/aawusmoó Yerusalemúr wa qaás nee Hanania tiwa alee/iimisiya', asma inós ku ló'wa inkihhím, nee a heé Munguú ilaiwawaá/ ta múk hatlae.

WARA'AMI 101:6

Aníng múk ni ga/aw a kudá' inkihhimuú koóm baraakaá yaamuwo. Kuká' an múk nee aníng alhootá'. Múk xaslxaanslír koomaaká baraá slafingw'ine an kudá' i sagadiyuús.

AXWEESANOÓ SAGALOOA 13:17

Ya/abusmoó tlaákw muu gun baraá slahh'amuú i dahaas, Ala ya/abusmoó inkihhím amohhooa ga huuw.

YEREMIA 23:28

Aarusmo kudá' tlataawós káh, tlataawós ngi oin, ala kudá' axweesante'eé' ga koóm ngi dahareemisi ar inkihhimu. Muundáy nee aangano iqo tsuwa alqoná'a? Aanuú AAKOÓ MUNGÚ tí ngina oó'.›

TLAHHOÓ LAÁWI 14:42

Naagáy tlaa/aá /aben ki didá' taa feé/ ar tleehhi, nee na/amisuú /abén ku na/aasi.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

FAARO 12:7

Ala daanduú sagadiyusmooeé' Mosewo a adooriheeká. Inós ku inkihhím baraá dooeé' sleémeero.

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Matayo 24:25

Ala ga/aawaagáy, aníng kuungá' naa geerií gurbuú'.

Luka 12:42

Aako iri oó', «Sagadiyusmoó inkihhimuú koóm nee oo sagalooár koóm a gaalá, oo aakoowós i qaasi gawaá daanduú sagadiyuuseerós sleémeero, as muruú /aymar'ín nguwa hanmiisi qoomár hariima.

1 Korinto 4:2

Ala dír mukduú saayuuseero gár ta slai masók kin inkihhím.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

2 korinto 3:5

Asma atén kiloorén aleesleemuú taa koomaan i kaahh. Gawaá adoorihe atén a ooanaaká gaarí a gadiyér atén taa tleehhaan. Aleesleemuurén dír i dahhi a dír Mungú.

Kolosai 1:7

Kaangwí kunguna dirhúng i intsaahhatimís nee Epafra, sla'aarusmoorén. Inós a lawaalmoó Kristo adór atén wa ale, slám an sagadiyusmoó Kristo oo inkihhím as atén.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

1 Timoteo 1:18

Timoteo, garmaaeé', án hara'ayaarí ngi kuúng i oó' asma nee aaru'uumadá' ti slaslayá', tidá' taa daanduuwók i oó' geerií alé. Aaru'uumadá' eehareek, nee slaqwaradá' hho' ka sláqw.

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.

1 Timoteo 6:12

Slaqwaraadá' hho' ar haratlintaao ar slaqweek. Slafingwduú alhhe'eesay wásl ooheek, kudá' Mungú kuúng usa ateét. Asma tí kuúnguú kilá' aga lamabu'uún, qoomár lamabu'uungók oo hhó' kuwa ó' dír geeraá lamabu'uusér yaariir wa ale.

2 Timoteo 3:10

Ala kuúng aníng iga eehát baraá intsaahhasar'eene, nee digir wakeetingw'eene, nee adoodá' án ni slaa' baraá slafingw'eene. Nee slám haratlintaaor'eé' aga aán, nee daamaarangw'eé', nee sla'aarir'eé' nee qiqtlingw'eé'.

2 Timoteo 3:14

Ala kuúng looeemaadá' tuwa intsaahhatimís na ló'wa haratlintieek, asma kuúng a xú' heé kuúng uga intsaahhatimis a heemá.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

1 SAMUELI 2:35

Aníng kaahamusmoó inkihhím nguri sihhtís, oo mura' sleémeero gu tleéhh ar adór ni slaa' baraá muunaáeene, nee baraá inslaway'eene. Aníng tlahhaywós u tlahhás, inós iri gadiyuus dír geeraá waawutmooeé' kudá' taa iimbalaáx ar di/i kureerisleém.