2 Timoteo 2:19 - Biblía Axweesantá Hhohho' ar Mungú 2004

¹⁹ Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

Ya/abtór hho' 1977

¹⁹ Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, “Aako mukós gu xuu',” nee slám “Umuúqo heewo oo umuú Aako gu ateetiím, tlakweema ngi may.”

2 Timoteo 2:19 Iomraidhean Croise

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 1:6

Asma AAKOÓ MUNGÚ múk hota ganaá' gun xún baraá lohuine, ala múk tlakuuse loohir'ín gin húp baraá qwanaay.

WARA'AMI 112:6

Heé tlehhmi'i hhó' gár gur baa/ i káhh. A heé ta inslaslay umuúqo daqto.

WARA'AMI 34:14

Muruú tlákw maweek, tlehhma'aá hho' na tlehhiiteek, wayda leelehhiiteek nee ar hooteek.

WARA'AMI 37:18

AAKOÓ MUNGÚ slafíngw múk xaslxaansli wásl gu amohhe'emiis. Inooín a múk aaliím ay kureeraá kureér.

WARA'AMI 97:10

AAKOÓ MUNGÚ múk tlakweemaá ahhiít gu slaa', slafíngw heé hhoohhoó' gun xún, gin tuu/ gawaá dabaá múk tlakuuseero.

AXWEESANOÓ SAGALOOA 10:25

Bambaao bira waaráhh heé tlaákw in qwaar, ala heé ganaá' in kumaamiit ay kureeraá kureér.

AXWEESANOÓ SAGALOOA 3:7

Miti kilók xuaar tawa heé sagaloó', AAKOÓ MUNGÚ ilaiwawa/eek, tlakweema ilaguweek.

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 63:19

Atén a adór múk kuúng taa baloó sawaawuti'iindiiká, a adór múk taa umuuwók ar ateetiiká.»

ISAYA 65:15

Mukdá' naa tsawaár umerhúng ganar lu'umis nee Aakoó MUNGÚ kuungá' nun tsuu/, ala sagadiyuuseerós gan umuú /abén i tsaat.

ESEKIELI 9:4

guri báy, «Waaraáhh ar baraá tla/ángw gixsár Yerusalemu, laya qaaseek gawaá gitsee/ér mukdá' gurhamuút nee oo /aa/amiím as muruudá' slasla/arén sleémeero ta tlehhiiti baraá gixsarihe.»

NAHUMU 1:7

AAKOÓ MUNGÚ ku hhoó', inós a koo/ír gawit deelór slahh'amuwo, inós mukdá' sleémeero gu i gogoów gu xún.

HAGAI 2:23

AAKOÓ MUNGÚ Aleesleemusmo i kaahi, «Baalaadae aníng kuúng sagadiyusmooeé' Serubabeli, garmoó Shealtieli, un taataáhh. Anuú AAKOÓ MUNGÚ a kah, aníng kuúng un adór mungaydá' ta dugeenír qamin tleéhh, asma ugwa tsawaár. Anuú AAKOÓ MUNGÚ Aleesleemusmo tí ngina oó'.»

SEKARIA 3:9

Tlaa/anoowí naa qaás geeraá Yoshua ga/aawaak, inós gitsee/e ngi kon faanqw, aníng gooi an tleéhh gawaawósí ale, án tlakweemaá yaamuuká' in hingeés looár wák ale.

FAARO 16:5

Kora nee mukós kudá' gwaa eehari giri báy, «Matlo matlaatle, AAKOÓ MUNGÚ heewós ngu laqán, nee axáy a heemá oo hhoohhoó', nee a heemá oo i pa/aángwí haniisi oo inós gu i tseewúw, kudá' aa tsawaár an kudá' gu i tseewúw.

FAARO 6:27

«Adoorí an adór umuueé' kur oa' dír múk Israeliwo, aníng inooín ngiri tsuúq.»

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Matayo 7:23

Aluuwo án ngiri baw ar gwa/aateema, ‹Án kuungá' nu baloó xuaaká. Quutlé' dir'eene, kuungaásingá' muruú tlákw tlehhahhitá'.› »

Matayo 7:25

Tluwaay iri tluúw, yau niri wa/iyé' amór dó' i alé, nee fur'a guri i fukuukú', ala do'dá' aa huuiiká, asma koo/irós kaa tleéhh gawaá daanduú tlaa/a.

Marko 12:16

Kuri huúw. Giri báy, «Slaqsaywuú gawaaká' nee gooirihe awa heemá?» Tari oó', «Awa waawutmoó múk Roma.»

Marko 13:22

Asma kristo lama nee aaruusér lamuusero ni ti'iitiyá'. Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Luka 13:27

Ala inós kuungá' nuri bay, ‹Amór ta dahha' aníng a xuaaká. Quutlé' dir'eene kuungaásingá' sleémeero awa tlakuuse.›

Luka 6:48

Slaqsaywós a adór heé doó tleéhh, gway yaamií foola hhe'eés, iihafiirír do' gan tleéhh gawaá tlaa/a. Duxér ma'aay niwa wá/, ma'aay do'dá' nguna i dahiyé' ar /uuru, ala do'dá' ngwaa dingisi'iiká, asma gwaa gawdeés tleehhamooro.

Yohana 10:14

Aníng a de'eemusmoó hhoó'. Aníng bee/angw'eé' u xuú', nee bee/angw'eé' aníng i xuu'.

Yohana 13:18

«Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›

Yohana 3:33

Heé lamabu'uungós gwa ya/an, duguno gwa qaás adór Mungú tar looeema.

Tlehhema'aá ya/Abuuse 11:26

Qoomár nguwa sláy nguri huúw ay Antiokia. Inooín kurkú wák kuri al faák nee eeharuuse, tidá' baraá Antiokiár i dirii', múk yaariír kuri intsaahhatimís. Yaamaá Antiokia an dír geera ar haratlintaauuse kawa báy kríshaanáy.

Tlehhema'aá ya/Abuuse 15:17

Gawaá adoorihe múk hatlá' sleémeero Aako ngu leeleehhi, múk xoordu sleémeero kudá' naa ateét tawa muk'eé'. Tí Aako gana oó', kudá' muruuwí gwaa tleehh,

Tlehhema'aá ya/Abuuse 9:14

Slám ayaawihe hara'aya ga kón ar amór kaahamusér uren ar Mungú daahh, ar mukdá' sleémeero umuuwók ateetimá' nguwa tsegiiti.»

Rumi 11:2

Mungú mukós kudá' aa qaroó iimír aáng wa tsawaár, gwa si'iiká. Ahaá, kuungá' a xua'aakáhe adoodá' Gooi i kat daanduú Eliyawo, qoomár inós iwa sihhiít dír geeraá Mungú, as múk Israeli nguwa sakwasleemuuti.

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

Rumi 15:20

Umuúqo daqto aníng gár ni leelehhiit a Ya/abtór hho' ngiwa alki/iit dír umuú Kristo kuwa axaasiiká, as iihhafiirír heé hatlá' aa qaás aníng mawa i tleehhiít.

Rumi 15:9

Nee slám Kristo niri hardáh as múk xoordaá hatlá' Mungú kuwa xirfayeesi as gurtleemuuwós. Asma kaa gooín, «Gawaá adoorihe aníng kuúng u tla/ángw múk xoorduú wa sluufmiís, aníng umuuwók u sa daá'.»

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

Rumi 9:11

Gawaá adoorihe qoomár daaqaywí kuwa laqwaliiká, qoomár gár hhoo' laqaá gár tlaakw ar taa tleéhh iwa kahh, asma adoodá' Mungú aa slaá', nee adoodá' aa tsawaár tawa adoodá' warqawaaká, asma tsawdór Mungú gár i eeharahat a tlehhma'aá mukooká, ala a ateetamór Mungú.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 8:3

ala heé Mungú gu slaá' inós ku xuu' nee Mungú.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Galatia 4:9

Ala hám daxta kuungá' Mungú ugwa xué', laqaá an oo', hám daxta kuungá' Mungú naa xuú'. Kuungá' adór tara ki/é' a adoomá baraá /uuruú muruudá' liitlakwén nee oo /uuruú koomaaká? Asma gár kuungá' ta sla'a' a lawaali'iimár muruudá'.

Efeso 2:20

Kuungá' tunduna tleéhh gawaá iihhafiiridá' taa qaás nee ya/abuuse nee aaruuse, nee Kristo Yesu inósuú kilá' an tlaa/adá' ur ar do' ir gawduy.

Efeso 3:15

Inós a Baabuú ló' oo na/ii sleémeero awa gawaá doori nee awa baraá yaamuwo.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

1 Timoteo 3:15

Ala tam adoorihe aníng binda tliík hardahamuwo, kuúng masók adór umuúqo heewo kuwa hariím hotaango baraá dinkwár múk Munguhe a xú'. Dinkwaarí an múk kríshaanáy, inooín an uhmo nee iihhafiirír looeema.

1 Timoteo 6:19

Gawaá adoorihe inooín ti daqaari'iimár i slayá', daqaari'iimár ló'wa hhoo' ar qoomaadá' xaw, as slafíngw ló' kuwa slay.

Ebrania 11:10

Asma Abrahamu gár i haraxui, a gixsadá' Mungú aa geerií aldakuút as ngiwa tleehhi, nee gari tleéhh, gixsadá' iihhafiirír hhoo' ga koom.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.

Geehhoeemaá 21:14

Koo/ír gixsadá' gaa harwet kana iihhaáf ar tlaa/aá mibaá nee tsár. Nee gawaá tla/uká' mibaá nee tsare umér ya/abuuseedá' mibaá nee tsár ar Deelmoó bee/i kana gooín.

Geehhoeemaá 22:4

Inooín gitsee/awós ngi ga/ayá', nee umuuwós kwaa gawaá gitsee/er'ín i gooín.

Geehhoeemaá 3:8

Aníng kángw tlehhemi'iiwók u xuú'. Qaytsiít, aníng afkú do' oo taa gweér ngwa qaás dír geeraawók i alé, ala heé tseegamooro gu aleesláw i kaahh. Aníng a xuú' kuúng /uuruú niiná u koón, nee slám kuúng axweesante'eé' aga ót, nee aníng iga si'iká.