2 Timoteo 2:16 - Biblía Axweesantá Hhohho' ar Mungú 2004

¹⁶ Kuúng ti paratl dír axweesanoó gaa wasle, kudá' múk Mungú gwa haratlinti'iiká i axweemaamisi. Asma múk adoorí tan ak sawees dír Munguhe.

Ya/abtór hho' 1977

¹⁶ Kuúng ti paratl nee axweesanoó gídaabár koomaaká, kudá' múk Mungú gwa haratlinti'iiká i axweemaamisi. Asma múk adoorí tan ak sawees dír Munguhe.

2 Timoteo 2:16 Iomraidhean Croise

ESRA 10:10

Naagáy, kaahamusmo Esra iri sihhiít, giri báy, «Aga dakusé', /ameenár xoordaá hatlá' kawa duxuté', gawaá adoorihe dakuúsár Israeli aga dogé'.

HOSEA 12:1

Umuú gaaro ar múk Efraimu i tlehhiiti a tawo. Lameemo nee muruú tlakwe ngin alkoná' tlehhtuuwo. Inooín alqado ngin tlehhiitiyá' nee múk Ashuru, nee di/i kan huwahuuw ay Misri.

1 Korinto 15:33

Kuungá' miti kiloohúng al/agiimaara', «Asma mulqér tlakw i tlehhema'aá hhó' hhitiín.»

1 Korinto 5:6

Daara/angwhúng kwisíng i harinká. Kuungá' a xuá'aáke, «Gadaádá' mikaáte kar sluuftimaamisi tam ka niiná, xwaanteedár mikaáte sleémeero aqo gan sluuftís.»

1 Timoteo 1:9

Gár atén tiwa hariím masók an tsaahhaán adór hara'aya kara qaasiiká as múk hhó'. Ala kana qaás as múk aa dee/aanuut, nee mukdá' hara'aya gaa sii'. Slám kana qaás as múk Mungú gwa haratlinti'iiká nee múk tlakweemaá tlehhahhiít, nee slám mukdá' hhohhoeeká, kudá' slasla/arén. Nee slám hara'aya kana qaás as múk baabi'ii'ín tsuú/ nee amuín, nee tsu/utuusér hatlá'.

1 Timoteo 4:7

Ala kuúng ti harmagahh nee tiitadár slasla/aren, tiitadá' amami'i, tidá' hariimaaká alki/ituuwo. Kuúng intsahhaám Mungú kuwa ilaiwawa/ baraá slafiingoge.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

2 Timoteo 2:14

Mukók inslawtiseek muruuwihe, naanaqeek dír geeraá Mungú wa ale, axweesanoó tlaampa'aamis kuwa may. Asma tlaampa'aamis ku gaa wásl, slám mukdá' axamiís gu qwaarees.

2 Timoteo 2:21

Ala hee bir taa hhoohhooeés nee tiri paraatl dír muruuwí tlákw naa alki/iít, inós daqaní a xooslmoó taa qaás as gadiyér xirfuú koom, kudá' taa hhoohhooeés, oo Aakoó do'dá' wa hariím, nee slám a kudá' hariím baraá umuúqo gadiyér hhooe.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

Tito 1:14

nee tiitár múk Yahudi makawa iiárií qamín, laqaá hara'ayár mukdá' looeema gaa sii' makawa eeharahár.

Tito 3:9

Ala kuúng ti paratl nee muruuduú dakti'iima, kudá' tlaampa'aamisuú huwahuúw, nee faarór digir wakeetíngw tlahhi'iiwo, nee gila. Slám ti paratl nee tlaampa'amisuú daanduú hara'aya. Asma muruuwí alee/iisoó i huwi i kaahh, nee slám ku gaa wásl.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

2 Petro 2:2

Múk yaariír inooín gi eehar baraá slafingw'ín kudá' slasla/aare, nee loohidár looeema ka /ooslislín as inooín.

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 13:3

Nee sagós oo wák una ár a adór ságw taa tliqiís ar tliqsantá gwa'ara, ala inkahhayduú gwa'ara kwa hungu/uús. Yaamu sleémeero makiito'oodá' ngiri sa waa/oo/iyé', kari eeharahár.