2 Timoteo 1:7 - Biblía Axweesantá Hhohho' ar Mungú 2004

⁷ Asma Mungú qeeruú dae ngwa atén i haniisiiká. Gár naa haniís a Qeeruú tawa /uurúr kumiitaan, nee oo sla'aari nee oo qoomoó koóm.

Ya/abtór hho' 1977

⁷ Asma Mungú muunuú dae ngwa atén i haniisiiká. Gár naa haniís a muunuú tawa kumiitaan /uuruú ar alé, nee oo sla'aari nee oo qoomoó koóm.

2 Timoteo 1:7 Iomraidhean Croise

WARA'AMI 119:80

Masók kaahirók an óh ar inkihhimu, as aníng mitiwa mureekeés.

AXWEESANOÓ SAGALOOA 2:7

Sagalooár ganaa' gaa amohhe'eés as múk daba' hhohhó', inós a gaamboót dír múk inkihhimuú kooma.

AXWEESANOÓ SAGALOOA 8:14

Aníng gurbu'uungw u koóm, nee sagalooaro, tsaahha a koóm sleeme nee /uuruuwo.

ISAYA 11:2

Qeeruú AAKOÓ MUNGÚ i gawaawós i iwiit, qeeruú sagalooa nee oo tsaahha, qeeruú hara'aya nee oo aleesleemu, qeeruú xu'uti nee oo AAKOÓ MUNGÚ nguwa ilaiwawa/i.

MIKA 3:8

Ala aníng a haáts /uuru nee aleesleemuwo, a haáts Qeeruú AAKOÓ MUNGUHE, a haáts sakwasleemár ganaa'a nee pihhaywo, as múk Yakobo nguwa dakuúsarínií oo', nee múk Israeli nguwa tlakweemaínií oo'.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

Luka 10:19

Ga/aawaagáy, aleesleemu nguna haniís oo dayshe nee xiiraawe kiwa adarata', nee /uuruú kuduú wakusmo kuwa arba/a, tam gár kuungá' nu aw i káhh.

Luka 15:17

Ala qoomár inós tiwa baraá muunaáwósí aldakuút, iri oó', ‹Sagadiyuusér dír doó baabuúeé' wa gadiyuus a magá', ar gwaeemaá gixaw, nee án qwari i baraaká' wa gaamiis.

Luka 24:49

Nee ga/aawaagáy, Kudá' Baabuúeé' naa al'axweés aníng ngu amorhúngí ya/aáw. Ala kuungá' iwiwiité' baraaká' gixsarí wa ale, ay dír /uuruú gáwtá daáhh kway sleera'.»

Luka 8:35

Aluuwo muu iri tláy as kangwdá' aa tleehharuut kuwa artá ay. Tawa hardáh dír Yesu, heedaáduú neetlaame kawa hingeés kuri didií áy, i dír geeraá Yésú wa iwiiwiit, i tlabaawós kón nee fuquraangose. Tari da'ayuút.

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Tlehhema'aá ya/Abuuse 26:11

Baraá maraá saaliingo daqtá yaariire múk Mungú una dae tlaáq ar muxta, as Yesu kuwa /ooslislin. Baraá buhhtaaeé' kudaá dakti'iimaro, inooín ina gusiisiím tam ay baraá gixsadaá ayeemaá hatlá'.»

Tlehhema'aá ya/Abuuse 26:25

Ala Paulo iri oó', «Waawutmoó xiríf, aníng aga slarhhamuutiiká, ala án axweesanoó ló' un káh, nee oo ganaá'.

Tlehhema'aá ya/Abuuse 6:8

Stefano i haats /uuruú Munguhe nee aleesleemuuwo, muruú waa/oo/amo guna tlehhiít, nee laydaá uren baraá tla/ángw muko.

Tlehhema'aá ya/Abuuse 9:22

Saulo ina kumiít ar pihh'uuma axweesantá Mungú alki/ituuwo, múk Yahudi oo Damaskórí dirií', gurir baá/, ngiwa laqaqan adór, ‹Yesu tar Kristo.›

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

Rumi 8:15

Asma kuungá' qeeruú lawaali'iima ugwa sleeri'iiká, ala qeeruú taa sleeré', an kudá' kuungá' tawa na/aá Mungú. Gawaá adoorihe atén an ateetimaán, «Baabá, Baabá.»

1 Korinto 2:4

Aníng axweesantá Mungú ngiwa amorhúng i alki/iít, aníng kuungá' naa afa /asliimiiká ar axweesantá sagalooár muu. Ala ngina alki/iít ar /uuruú Qeeruú Mungú.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Kolosai 1:8

Inós kángw sla'aarirhúng tidá' Qeeruú hhoohhoó' oo Mungú naa dirhúng i haniís, nguna dirén i alki/iít.

Ebrania 2:15

As adoorí inós gár i slai a muu nguwa gweeri, kudá' taa tsegiít baraá lawali'iimár daér gwa'ara baraá slafingw'ín sleémeerowo.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Yohana 4:18

Baraá sla'aariro dae i káhh. Ala sla'aarír ganaa' dae gan hingés. Asma dae i sakwasleemár koón. Heé da'ayuumiít baraá sla'aariro aa ganaiiká.