2 Timoteo 1:5 - Biblía Axweesantá Hhohho' ar Mungú 2004

⁵ Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

Ya/abtór hho' 1977

⁵ Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

2 Timoteo 1:5 Iomraidhean Croise

WARA'AMI 116:16

AAKOÓ MUNGÚ, aníng a lawaalmoowók, án kuúng iga gwét baraá tseegmooro.

WARA'AMI 17:1

AAKOÓ MUNGÚ, firor'eé' iiárií qaaseek as sakwasleemár ganaa' ngiwa slaw. /Aa/ee'eé' iiárií qaaseek, firor'eé' ar tsáp ilaooheek.

WARA'AMI 18:44

Kangw'eé' kuwa axaás tari iialooeés, dahaaye nari amor'eéní hardát iri i tumbarara'atiyé'.

WARA'AMI 22:10

Iimír tiwa laqwaál kuúng ina deaeén. Iimidaádae, kuúng an Munguúeé'.

WARA'AMI 66:3

Mungú bawaak, «Tlehhmi'iiwók iwa dae tlaaqiya' a adór milá? Asma /uuruuwók ku úr, wakuuseerók ni hardát, tiri dír geeraawógií niinaweemís.

WARA'AMI 77:6

Xweeraawo daa'angw'eé' un inslasláw, an baraá muunaáeénií axweés, nari kilooeé' daawimiít.

WARA'AMI 81:15

Geeraawo kudá' AAKOÓ MUNGÚ ahhiitá' ni tumbararaa'amiitiyá' dír geeraawós i alé, nee slahh'amuuín qooma sleémeero in kumamiti ay alhhe'eesay wasle.

WARA'AMI 86:16

Aníng na ii qaytáng nee gurtlawáng, sagadiyusmoowók /uuruuwók ti hanis, na/oó sagadiyuso'oorók na ba/amisek.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

Yohana 1:47

Qoomár Yesu Natanaeli nguwa ár iwa amoorós kay, Yesu iri oó', «Ga/aaweek, heewí a heé Israelú kilá'. Waaqooda i káhh baraawose.»

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 26:26

Waawutmo Agrípa muruuwí gu xuu', nee aníng un axweés dír geeraawós wa aleeró ar pihh'uuma. Asma aníng a xu'uti hhe'eés adór gár waawutmo i xuiiká ir káhh baraá muruuwí sleémeerowo. Asma kaangwí aa baraá lu/aaráy wa tleehharuutiiká.

Rumi 14:14

Aníng a xuú', nee slám taa ló'wa xu'utisa hhe'eés nee Aako Yesu adór gár slasla/aar ir káhh baraá tleehhamoorose. Ala dír heedaádá' ga kaaha gaarí ka slasla/aar, dirose gadaádá' ka qo slasla/aar.

Rumi 14:5

Ar slaqsaywo heeko deelorka dirose a deelór afhhamít ta deelór hatlae. Ala dír kookoowo deelo sleémeero a gár wák. Ala umuúqo heewo masók adoodá' i xui ga looeemaá wa kón.

Rumi 15:14

Hhaee'eé', aníng a xuú' adór kuungá' tar hatsá' hhooeemaawo. Nee slám kuungá' xu'uti sleémeero a koondá', nee a aleesleerá' kuungá' kiloohúng tiwa gurbu'uunda'.

Rumi 4:21

Nee slám al'axweesantá Mungú gari haraxuú' adór Mungú tidá' aa dir'ínií al'axweés ngir aleesláy tleehhamooro.

Rumi 8:38

Asma aníng a ló'wa xuú' gár aníng paraatlaro i aleeslaw dír sla'aarír Munguhe i káhh. Gwa'ara i aleesleeraaká paraatlaro, laqaá slafiingw, laqaá malayke, nee tam kudá' aleesleemuú koomá' baraá yaamaá qeeruuwo i aleeslay'aaká paraatlaro, nee tam muruudá' dáw, laqaá tam muruudá' sangw hardáh, laqaá tam kudá' /uuruú koomá',

2 korinto 6:6

Atén tin laqaqaamaán tawa sagadiyuusér Mungú ar adoodá' tara hootaán ar slafíngw hhohhó', nee ar xu'uti, nee ar qitla, nee hhooeema, nee ar Qeeruú hhoohhoó' oo Mungú kuwa koomaan, nee sla'aaridár ló'.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

2 Timoteo 3:15

Asma iimír na/uumaroge kuúng Gooír hhohho' a xú', tidá' sagalooa ngi kuúng i hanmiis, as ba/ama kawa sleer ar loohír Kristo Yesu kuwa haratlintí'.

Ebrania 11:13

Mukwí sleémeero ina qaátl, tawa baraá haratlintaaór i dirii'i. Ala muruudá' Mungú aa al'axweés inooín kwaa slayká. Kuna ár amór saáw i alé, kuri sa qwalaalaá/. Nee adór inooín tar dahaaye nee aauuse baraá yaamuwo kari ya/an.

Ebrania 6:9

Ala atén tam adoorí kaahana, sla'aaruuser'eé', atén daandeemoohunge harahhifo a koomaán asma kuungá' tsuuqaá ba/ama iga sleeré'.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.