2 Timoteo 1:14 - Biblía Axweesantá Hhohho' ar Mungú 2004

¹⁴ Muruudá' hhó' tinda kuúng i saayín nee Mungú harmagahheek ar /uuruú Qeeruú hhoohhoó' oo Mungú, kudá' baraarén wa hoót.

Ya/abtór hho' 1977

¹⁴ Muruudá' hhó' oo tinda kuúng i saayín nee Mungú harmagahheek ar /uuruú Qeeruú hhoohhoó', kudá' baraarén wa hoót.

2 Timoteo 1:14 Iomraidhean Croise

Luka 16:11

Gawaá adoorihe, kuungá' bar inkihhimuú koonda'aaká baraá daqaari'iimarír baraá yaamuukae, daqaari'iima tidár ló' heé ngi dirhúng i saayiím a heemá?

Yohana 14:17

Inós a Qeeruú looeema. Múk aa haratlintii'iiká Qeeruuwí gu ara'ariiká, slám gu tsatsahhanká. Gawaá adoorihe ilaooharo ku aleeslayká. Ala kuungá' u xuá', asma i dirhúngií dirii', nee iri baraahúng wá hoot.

Rumi 3:2

Gár i bu' i ló'wa deer umuúqo barto. Gár har geera a Mungú axweesantós gana dír múk Yahudír i saayín.

Rumi 8:11

Mungú Yesu guna waaslee/atís baraá múk aa qaátl wa ale ar Qeeruuwós. Nee Qeeruuwós bir baraahúng wa hoot, inós slaqoohúng sleeme, kudá' gwa'ara, gi waaslee/atis ar Qeeruudá' baraahúng wa hoót, ar adoodá' Kristo ngura waaslee/atís.

Rumi 8:13

Asma kuungá' barnaxes aga eehadé', kuungá' a qatlá'. Ala kuungá' barnaxes tlehhemi'iidá' tlakw awa slaqwa iga tsu/é' ar Qeeruú Mungú, daqaní kuungá' a slafá'.

Rumi 8:9

Ala kuungá' tundu sa waawuti'ii'inká nee heeuumár tlakweema, ala nee Qeeru, asma Qeeruú Mungú in baraahúng wa hoot. Heedaáduú Qeeruú Kristo gu koomaaká, inós a heé Kristowooká.

1 Korinto 3:16

Kuungá' a xua'akáhe adór kuungá' tar Doó Mungú, nee adór Qeeruú Mungú ir baraahúng hoót.

1 Korinto 6:19

Kuungá' a xua'akáhe adór slaqoohúng tar Doó Qeeruú hhoohhoó' oo Mungú, kudá' baraahúng wa hoót? Inós an kudá' tinda haniís nee Mungú. Kuungá' ti kiloohúng bal'aaká. Ala kuungá' awa Mungú.

1 Korinto 9:17

Asma gadiyeérí bara tleéhh ar sla'aarir'eé' kilós, aníng bu'utu u sláw. Ala barnaxes a gadiyér aníng wá hariim, daqaní a gadiyér tinda aníng i saayín.

2 korinto 5:16

Gawaá adoorihe iimír hamí atén hee u tsatsahhaamanaaká ar adór slaqwa. Aáng atén Kristo una tsaahhaán ar adór slaqwa, ala tam adoorihe hamí u adoodár tsatsahhaamanaaká.

Galatia 2:7

Ala inooín kari tsaáhh adór Mungú aníng ira aleesleemií haniís oo Ya/abtór hho' ngiwa alki/iit dír mukdá' taa al/utliikahe, adoodá' Petro sleeme ngura aleesleemií haniís oo Ya/abtór hho' ngiwa alki/iiti dír mukdá' taa al/utli.

Efeso 2:22

Baraawose kuungá' tundu tlehhiit dinkwa nee inooín, tawa doó Mungú iwa hooti ar Qeeruuwós.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

Kolosai 4:11

Yesu sleeme, kudá' ta babay Yusto, kuungá' nu intsihhiimiis. Inooínaaká' in gadiyér tleehhiyá' dinkwa nee aníng as waawuti'iimár Mungú. Slám aníng in ló'wa gurkwa/amiisiyá'. Dír kríshaanáydá' oo baraá múk Yahudiro heé gadiyuús dinkwa nee aníng i kaahh, aqo har kuká' tám kilooín.

1 Tesalonike 5:19

Qeeru mu xasltisaara' as kuwa siasia'.

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

1 Timoteo 6:20

Timoteo, kuúng tidá' sleémeero tinda dirók i saayín harmagaahheek. Ti paratl nee axweesanayduú gaa wásl, kuduú múk Mungú haratlintatiaaká. Slám ti paratl nee tlaampa'amisuuduú múk ti sagalooór i harafadiít. Ala sagalooar'ín a sagalooór loeeká.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

2 Timoteo 2:2

Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.