2 Tesalonike 3:6 - Biblía Axweesantá Hhohho' ar Mungú 2004

⁶ Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.

Ya/abtór hho' 1977

⁶ Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.

2 Tesalonike 3:6 Iomraidhean Croise

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

Rumi 16:17

Hhaee'eé', án kuungá' nu harhheehhe'eés, ti harmagahhe' dír mukdá' tlaahhír qamiima nee kudá' dukuutsér qamiima. Asma inooín intsaahhasadár haratlintaao kuungá' taa sleeré' kaa sií'. Kuungá' ti paratle' dir'ine.

1 Korinto 11:2

Aníng kuungá' nu xirfayeemiís as adoodá' kuungá' aníng iwa inslasleeré' baraá umuúqo gaaro, nee muruudá' sleémeero aníng naa dirhúngií intsaahhatimís ugwa eehadé'.

1 Korinto 5:4

ar umuú Aako Yesu Kristo. Kuungá' bara burumburiité' dinkwa nee qeeruueé', nee /uuruú Aakoorén Yesu,

1 Korinto 5:9

Baraá barwito'or'eé' tidá' naa amorhúngií gooimi nuna báw, kuungá' ma al dinku'uumisaara' nee fuquuse.

2 korinto 2:10

Asma heé kuungá' taa gurtleeré', heedá' aníng sleeme ugwa gurtláw. Asma aníng gár naa gurtláw, aga gurtláw, barnaxes gaa i deer ar nguwa gurtlaw. Slám gadá' naa gurtláw, aga gurtláw as kuungá' dír geeraá Kristó wa ale,

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

1 Tesalonike 4:11

Slám ilakaaharu tleehhaak baraá tsatsaa'areemaawo. Muruuhúng oo kuungá' nuwa hariím umuúqo deeloro tlehhitaak, nee gadiyeé tleehhaak ar dabaahúng awa kilá', adoodá' nura hara'ayiimaán.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

2 Tesalonike 2:15

Gawaá adoorihe, hháe, kuungá' gawduwé' baraá haratlintaaooro. Intsaahhasa sleémeero oohaak, tidá' atén naa kuungá' i intsaahhatimisaán baraá alki/ituurén nee baraá barwaárene.

2 Tesalonike 3:7

Asma kuungá' kilá' a xuá' gídaabá gár kuungá' tunduwa hariím a an hotá' ar adoodá' atén tara hootaán. Qoomár tawa hootaán nee kuungá', atén aga tli/uutaniiká.

1 Timoteo 5:21

Án kuúng u hara'ayiím dír geeraá Mungú wa ale nee dír geeraá Kristo Yesu, nee dír geeraá malaykeerós tidá' hhohho' un baw, hara'ayaarí na eehareek baraá umuúqo gaaro ar barqaanti wasle dír umuúqo heewo.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Timoteo 3:5

Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

2 Yohana 1:10

Hee birna amorhúng káy, inós bar intsaahhastí ngi amorhúng i huwahuwiiká, mu baraá marayhúngií dahi'isaara', nee mu taaqweesara' sleeme.