2 Tesalonike 3:5 - Biblía Axweesantá Hhohho' ar Mungú 2004

⁵ Masók Aako munerhúng gan gan'aás amór sla'aarír Mungú nee baraá qitluudá' Kristo ni hanmiisi.

Ya/abtór hho' 1977

⁵ Aako munerhúng ngi gan'aamisi as Mungú kuwa sla'a', nee as Kristo kuwa daamaraanda' ar qiqitliingw.

2 Tesalonike 3:5 Iomraidhean Croise

1 WAAWITÁ 8:58

Inós muneerén ngi amoorós xu'usi, as loohirós kawa eeharaan, nee hara'ayaarós kawa oohaan, nee kaahirose, nee axweesantose tidá' aa oó' dír baabi'iirén.

1 QOM'I 29:18

AAKOÓ MUNGÚ, Munguú baabi'iirén, Abrahamu nee Isaka nee Yakobo, adoorí mukók aa tleéhh tsuuqeek, nee munér inkihhimuú koom i kumaamit, nee munér mukók amoorók xu'usek.

WARA'AMI 119:36

Sla'aarír ló' ar axweesantók baraeéní tleehhang, ta daqaari'iima ngiwa ilatleeruusa.

WARA'AMI 119:5

Hotaaeé' masók i warqay'aaká diroge, ar adoodá' kaahirók i diri'.

WARA'AMI 40:1

Aníng AAKOÓ MUNGÚ una daám ar qitla, /aa/ee'eé' giri iiárií qaás, niri amor'eé' i warqáy.

AXWEESANOÓ SAGALOOA 3:6

Baraá lohduuwók sleémeero inós ya/ameek. Inós lohduuwók ngi qwaats.

YEREMIA 10:23

Aá AAKOÓ MUNGÚ, aníng a xuú', heé slafiingós baaliro gu aleesláw i kaahh, tam heé hotaawós gi geerahaár i kaahh.

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

WA/AA/I 3:26

A gár hhoo' hee ba/amár AAKOÓ MUNGÚ ngiwa daamaaran ar qitla.

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

Rumi 8:25

Ala barnaxes gar ta ga/aawanaaká a haraxuaán, gadaádá' an daamaaramaán ar qitla.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

1 Korinto 8:3

ala heé Mungú gu slaá' inós ku xuu' nee Mungú.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

DABE 30:6

AAKOÓ MUNGÚ, Munguúhúng kuungá' nee na/iihúng nu ilaiwa/ameérí haniis as inós kuwa sla'a' ar munerhúng sleémeero nee qeeremoohúng sleémeero as tawa slafa'.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

1 Tesalonike 3:11

Mungú Baabá inósuú kilá' nee Aakoorén Yesu atén ti amorhúngií geerahaari.

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

1 Petro 4:1

Kristo slahh'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá', asma heedaádá' slahh'eemisuú slaqwa gwa sa qiqtlin, inós taa paraátl dír tlakweemaawo.

2 Petro 3:12

qoomár deeloodár Mungú kawa daamaraanda' nee kawa harakeemisa'. Ala deeloodá' bál binda hardát, doori asla gi ót nay weeqiyá', nee tam tsatse/ i weeq as asla.

1 Yohana 4:19

Atén Mungú un sla'aán, asma inós atén tina slaá' geerií ale.

Geehhoeemaá 1:9

Aníng a Yohane, hhiyaahúng, kudá' aa al dinku'uus nee kuungá' baraá slahh'amaayeero, nee baraá Waawuti'iima, nee baraá qiqtliingw baraá Yesuwo. Qoomarkaaro aníng ana hardáh baraá yaamaá kaahaar awa tla/ángw tlawi, awa ta bay Patmo, as a axweesantá Mungú ngiwa alki/iit nee Yesu nguwa lamabu'uum.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.