2 Tesalonike 2:9 - Biblía Axweesantá Hhohho' ar Mungú 2004

⁹ Heedá' Tlaákw nin hardah ar /uuruú Neetlaangw, nee inós umuúqo waa/oo/amooro ga tleehh, nee layaá al/aymaaro.

Ya/abtór hho' 1977

⁹ Heedá' Tlaákw nin hardah ar /uuruú Neetlaangw, nee inós umuúqo gár waa/oo/amór koom ga tleehh, nee layaá al/ayma.

2 Tesalonike 2:9 Iomraidhean Croise

2 QOM'I 18:20

Aluuwo qeeruú tlaákw ina sihhiít, iri tseewúy dír geeraá AAKOÓ MUNGÚ, iri oó', ‹Aníng inós u al/aáy.› AAKOÓ MUNGÚ iri oó', ‹Adór kur al/ak a adoomá?›

TI'INAANGW 7:22

Ala qwaslaarér yaamaá Misri adoodár kilá' gana tléhh ar miislay'ín. Naagáy muunuú Farao iri gawdúy, tam inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:18

Qwaslaarér yaamuudá' ar miislay'ine kwasiyaangw nguri iiariyé' nguwa tleesiya', ala adoodá' ngiri harslaaqatiyé'. Kwasiyaangw slaqwaá muu nee makaywo gaa aleetsaát.

TI'INAANGW 8:7

Qwaslaarér yaamuudá' adoodá' gari tléhh ar miislay'ín, aamaxupa ngiri huwiyé' sleeme baraá yaamaá Misri.

ISAYA 29:10

Asma AAKOÓ MUNGÚ qeeruú gu'utér ilo' ngi huwahuúw, ngwa gawaahúngí ku'uús, nee ilaá kuungaásaá aaruuse gina tuuntuúk, nee sagér kuungásingá' muruú araa'ará' gana giwísh.

ESEKIELI 14:5

Aníng múk Israeli u mune kwatiít as aníng iwa i ki/iya', asma inooín taa saweés dir'eene as slaqsi'iidá' mungui ngiwa sluufmisuú ayé'.

Matayo 12:22

Qoomaadae heé neetlaame aa eér kunguri huúw amór Yesu. Heedaádá' a taampa, slám a heé afa wásl. Yesu guri hungu/uús, heedá' afa wásl iri axweés, nee iri xumiís.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Marko 13:22

Asma kristo lama nee aaruusér lamuusero ni ti'iitiyá'. Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Luka 11:25

Qoomár bira hardát, do'dá' gun aán kwa fiíts, nee kwa parootuús,

Yohana 4:48

Aluuwo Yesu iri oó', «Bar laya nee waa/oo/amo aga aandi'iiká a haratlintia'aakáhe ló'wa ale?»

Yohana 8:41

Kuungá' gadiyér ta tlehha' ar baabuúhúng.» Tari oó', «Atén a xwaylár tsaatu'uumarooká. Atén Baabá u koomaán, an Mungú.»

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Tlehhema'aá ya/Abuuse 13:10

iri oó', «Kuúng a garmoó Neetlaangw, nee slám a háts al/ayma sleémeerowo nee tlakweema. Kuúng a wakusmoó gan'amu sleémeero. Kuúng lohaá Aako awa naa ganaaiye' paslimisuwo mis baloó meeraaká?

2 korinto 11:14

Ala a gár waa/oo/amoorooká. Asma tam Neetlaangw inósuú kilá' tin warqeemiis tawa slaqsoó malaykamoó gwa/aateema.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

2 Timoteo 3:8

Adoodár aáng Yane nee Yambre tira tlaampa'aamisiyé' nee Mose, adoorí an adór hhawaateeká' sleeme tir tlaampa'aamisiya' nee looeema. Mukwí a múk aa fuqureemo hhitiruumiit, slám haratlintaaor'ín i qoondaaká.

Yakobo 3:15

sagalooarí a tidá' naa gawaá doorí wa awetká, ala a tidár baraá yaamu, ar qeeruuwooká ala ar Neetlaangw.

Geehhoeemaá 12:17

Dayshamoodá' /ameenidá' gari i buúhh, iri slaqwarár áy dír xwaylár /ameenidá', tidá' aa met. Inooín a mukdá' hara'ayár Mungú gaa oh, nee a mukduú lamabu'úngw Yesu gu koóm.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 18:23

Nee slám gwa/aateemaá tsaa'asi ki baloó ariiká baraawoge. Nee afór garmoó duuxuxuúm nee ar dasír ta duxuuti ka baloó axaasiiká baraawoge malé alé. Asma mukók kudá' halaanu'uumár tleéhh, inooín a múk aleesleemuú koóm baraá yaamuwo, nee xoordu sleémeero kina al/agín ar da/ariwók.»

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 20:10

Nee Neetlaangw, kudá' muu gu al/agagiím, inós kuri kwaáhh baraá tlawtadá' asltá kiberíti iwa ohahiin. Diirí an didá' makiito'oodá' nee aarusmooduú lama sleeme i dirii'iya'. Inooín kiri slahh'eemiis tlaatla/aangw nee xweeraawo ay alhhe'eesay wasle.

Geehhoeemaá 9:11

Nee inooín i waawutmoó koná'. Waawutmoowí a malaykamoó bohongwdá' aa tsarere'eet. Umuuwós tsifrír Ebraniaro a Abadoni, nee tsifrír Yunaniro a Apolioni, gídaabárós a Hhitusmo.