2 Tesalonike 2:2 - Biblía Axweesantá Hhohho' ar Mungú 2004

² mutunduwa amoqwaareés ar gaanslaay baraá munerhunge, laqaá mutunduwa dae tsaát ar axweesanoó káh, «deeloodár Aako naa qaroó hardát». Múk adoorír axweés, kwaáo' aaru'uuma kana sláy, laqaá axweesantá amoorén daahh kana axaás, laqaá kwaáo' barwár amoorén daahh kana sláy.

Ya/abtór hho' 1977

² gídaabá mutunduwa hhaawiís ar gaanslaay, laqaá mutunduwa dae tsaát ar iidíguudá' káh gídaabá deeloodár Aako hamí i hardát. Múk adoorír axweés, inooín ka xui aaru'uuma kana ár, laqaá axweesanaay kuna axaás oo amoorén daáhh, laqaá barwár kah ar gídaabá i amoorén dáhh.

2 Tesalonike 2:2 Iomraidhean Croise

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

MIKA 2:11

«Heé kuungá' ta sla'a' a kudá' lamtá dahaaremiís nee al/ayma, oo káh, ‹Xuftár yaariir a sleerá' tawa wahaanda' tay oonimitá'.› Aarusmoó adoorír axweés, an kudá' nee kuungá' ti slawá'.

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Marko 13:7

Kuungá' kángw slaqwara bura axasé', nee tsimaahhír slaqwara, ma da'ayuutara', asma muruuwí niqo geerií hardah, ala alhhe'eesáydá' aa xayká.

Luka 21:19

Kuungá' bara qiqtlatliindé', a ba/aandá'.»

Luka 21:9

Qoomár kuungá' kángw slaqwara nee gila bura axasé', ma da'ayuutara', asma tí niqo geerií hardát, ala alhhe'eesaay ni gaanslár hardihiiká.»

Yohana 14:1

«Ma amoqwaqwadiimara' baraá munerhunge. Kuungá' Mungú ugwa haratlintié', án na haratlintiaré' sleeme.

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

1 Korinto 1:8

Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.

1 Korinto 14:32

Slám aleesleemuú Qeeru oo hee iwa aariirin, aleesleemuuwí ku baal nee heedaádá'.

1 Korinto 7:26

Adór án ngir ga/aawa a tsiní bar hee duuxo ngaa máy as slahh'amuuwí dáw de'emuukae.

Efeso 5:6

Hee munduwa al/aáy ar /ayma'aá tawo. Asma múk muruuwí tlehhiít xarasleemaá Mungú ngun i hardihiyá' asma tawa iialooeemisiiká.

1 Tesalonike 3:3

asma baraá tla/angwhunge hee miwa deeruút oo alií kií/ as slahh'eemisuuwí. Kuungá' kilá' a xuá', adór atén gár tiwa hariím aqo slahh'eemisuú adór kwí un slawaán.

1 Tesalonike 4:15

Atén kaangwí ta kaahaan a kudá' Aako aa oó', ateéká' slafá' bál Aako binda kií/, atén a giirimanaaká dír mukdá' aa qatli.

1 Tesalonike 5:2

Asma kuungá' kilá' a xuá' adór deelór Aako nir hardát adoodá' fisusmo nir hardihi xweeraawo.

2 Tesalonike 2:15

Gawaá adoorihe, hháe, kuungá' gawduwé' baraá haratlintaaooro. Intsaahhasa sleémeero oohaak, tidá' atén naa kuungá' i intsaahhatimisaán baraá alki/ituurén nee baraá barwaárene.

2 Tesalonike 3:17

Anuú Paulo gooirír alhhe'eesaay ngina gooiím ar dakw'eé' oo kilá'. Gaarí an layar'eé' baraá umuúqo barwár ni gooiima adór amór i dahh tar amor'eé'. Adoorí an adór án nir gooaaiim ar dakw'eé'.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.