2 Tesalonike 1:5 - Biblía Axweesantá Hhohho' ar Mungú 2004

⁵ Gaarí ga laqaqaan adór Mungú sakwasleemár ganaa' ngir tleéhh. Nee adór kuungá' tar hariindá' waawuti'iimár Mungú kawa sleera'. Asma kuungá' tunduna slahh'eemiís as waawuti'iimarí.

Ya/abtór hho' 1977

⁵ Gaarí gár i laqaqaan a gídaabá Mungú sakwasleemár ganaa' ga tleehh. Sakwasleemarí gár i laqaqaan a gídaabá kuungá' a hariindá' waawuti'iimár Mungú kawa sleera'. Asma kuungá' tunduna slahhe'eemiís as waawuti'iimarí.

2 Tesalonike 1:5 Iomraidhean Croise

YOBU 8:3

Kuúng ka xu' Mungú gan'amu gu warqeési? Laqaá Munguúdá' /uuruú koóm looeema gi warqeési?

WARA'AMI 111:7

Tlehhmi'iiwós i ganaaiyá', slám ki insareehhi wasl, hara'ayaarós bir nga oó' ar tsáp.

WARA'AMI 33:5

AAKOÓ MUNGÚ sakwasleemár gan'amu ga slaa'. Yaamu i hatsiyá' sla'aarirós ar warqawaakahe.

WARA'AMI 50:6

Doori gan'amuuwós ngu alki/iitiyá'. Asma Mungú inós an sakwasleemusmo.

WARA'AMI 72:2

Mukók ngu har'oohi ar sakwasleemár ganaa', nee narkuteerók ngi geeraahari ar gan'amu.

WARA'AMI 99:4

Kuúng, waawutmoó aleesleemuú koóm, kuúng barqaanti aga hiingés, slám sakwasleemár ganaa' ana tléhh, nee hotángw ganaá' nguna húp dír múk Israeli.

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

Luka 20:35

Ala kudá' hariimá' waasle/atisaro nee tawa baraá slafingwdá' hardáh wa hooti, inooín ta duuxunká, slám ki duxuutiiká.

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Filipi 1:28

Wakuuserhúng ma da'ayuumitaara' baraá umuúqo gaaro. Kuungá' bar pihh'uumár koondá', gaarí a laya dir'ine ar inooín iwa qwaariya'. Ala dirhunge a laya adór kuungá' tar ba/aandá'. Nee layaarí amór i dahh a amór Mungú inósuú kilá'.

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

1 Tesalonike 2:14

Kuungá' hhaee'eé', gár kuungá' taa sleeré' a adór tidár múk kríshaanáy oo baraá yaamaá Yudeár i dirií' aa sláy, mukdá' Yesu Kristo gwa haratlintii'. Kuungá' slahh'eemisuú taa sleeré' dír xoororhúng ar kilá' wa ale, an adór slahh'eemisuú inooín taa sláy dír múk Yahudír wa ale.

2 Tesalonike 1:11

Gawaá adoorihe gaarí an gár atén kuungá' nus aleefiriirimaan umuúqo deelooro, as kahhó' Mungú kuungá' nuwa harafaari tawa hariinda' ateetamoorose. Atén Mungú un firiirimaán as kahhó' inós ar /uuruuwose hhooeemaadá' ta sla'a' tleehhamooro ngiwa boo/eesi baraá munerhunge. Nee slám gadiyérhúng tidá' sleémeero ar haratlintaao ngiwa boo/eesi.

2 Timoteo 2:12

Atén bar aga qiitlaán, a alwaawuti'iimaán dinkwa nee inós sleeme. Atén inós bura sa tlaankaán, inós sleeme atén ti sa tlaank.

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»

Geehhoeemaá 16:7

Aluuwo afo ngiri axaás ar baraá kitángw ilahhooár daahh, i kat, «Aakoó Mungú, Aleesleemusmoó mura' sleémeero, sakwasleemarók ar ló' nee i ganá'.»

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

Geehhoeemaá 3:4

Ala kuúng múk niiná u koón baraá Sardero, oo tlabaaín gaa slasla/areemisiiká. Inooín ta al hi'iimiit nee aníng, tlabaaín awa /awak kaa dahaás, asma inooín i hariná'.