2 SAMUELI 9:7 - Biblía Axweesantá Hhohho' ar Mungú 2004

⁷ Daudi guri báy, «Ma da'ayumiitaar. Aníng kuúng u hhoeemií tleéhh, as Yonatan baabuúwók. Yaamuudá' sleémeero awa aakoowók Saulo ngi amoorogí ki/ís. Aníng nee kuúng an dinkwár wa al/ayimaán daqisleém.»

2 SAMUELI 9:7 Iomraidhean Croise

IIMU/UUNGW 43:18

Ala mukdá' ina da'ayuút kuwa huúw amór doó Yosefu. Inooín tari oó', «Gár tisa amoorí huúw doóqa a peésaadá' tinda ki/ís baraá mayshuurén waiidaá geeraawo. Doóqa daxta atén tin hara/uuntsín tiri muux, daqwayeerén kari hayoh, atén tiri lawaaleerós tleehh.»

IIMU/UUNGW 43:23

Giri báy, «Wayda amorhúng, ma da'ayumiitaara'. Munguúhúng, Munguú baabuúhúng, inós peésarhúng ngina qaás baraá afér mayshuuhúng. Peésarhúng naa qaro amor'eé' hardát.» Aluuwo Simeon guri amor'ínií duúx.

2 SAMUELI 12:8

Doó aakoowók nee tlaawaywose ngina dirógí haniís tawa kók, slám múk Israeli nee oo Yudawo nguna haniís kuwa sawaawuti'iin. Barnaxes adoorí ana hheerít, geera ngi doók sagaá wa tsár, laqaá adoosíng ba/a.

2 SAMUELI 19:28

Asma múk doó aakooeé' sleémeero gár niwa hariné' aqo tsu/uta dír geeraawoge, aakooeé' waawutámo. Ala anuú sagadiyusmoowók ina qás dinkwa nee mukdá' /ayiím gawaá meésarók wa ale. Xáy, gan'amuú ni koom i deéro tam oo niiná, tam oo uwa i /aa/amiim, waawutámo?»

2 SAMUELI 19:29

Waawutmo guri báy, «Gár muruuwók kwisíng kus alki/it i káhh. Aníng ana qaroó oó', kuúng nee Siba yaamaá Saulo in qasisá'.»

2 SAMUELI 19:33

Naagáy, waawutmo Daudi Barsilai guri báy, «Góh, ti alkoomaán sleémeero ay Yerusalemu, án kuúng u amohhe'eemiís.»

2 SAMUELI 21:7

Ala waawutmo Mefibosheti, garmoó Yonatan guri tuú/ asma lo'oodá' Daudi nee Yonatan garmoó Saulo taa /aáy as mulqi'iima. Inooínaaká' tsaraawo lo'oorí ngina /ayiyé' ar umuú AAKOÓ MUNGÚ.

2 SAMUELI 9:1

Baalarka wake Daudi ina yaahaás, «Xáy, heé aa meet i deéro baraá xwaylár Saulowo? Barnaxes i deer geeraawo a slaá, nguwa hhooeemáy tleehh as Yonatan.»

2 SAMUELI 9:10

Kuúng nee na/iiwoge nee lawaalér do'oge qamaá Mefibosheti in doslá', nee nángw naangoó aakoowók un balángwí huwahubá', as kahhó' muruú /ayma nguwa kon daqisleém. Ala inós nee aníng an al/ayimaán daqisleém.» Qoomaarihe Siba na/ii ngi kon mibaá nee kooán, awa daaqaay, nee lawaale a mibeeri tsár.

2 SAMUELI 9:11

Naagáy, Siba waawutmo guri báy, «Aníng a sagadiyusmoowók tidá' kuúng ta kat sleémeero a tleéhh.» Naagáy Mefibosheti muruú /aymarós gun slasláy dinkwa nee Daudi, adór na/oó doó waawutmoó wa ale.

2 SAMUELI 9:13

Mefibosheti kooaáng ya'aawós tsaraawo naa sol'omiitiye', iri hoót baraá gixsár Yerusalemu wa ale, nee inós nee waawutmo tan al/ayín daqisleém.

2 SAMUELI 9:3

Waawutmo guri yaahaás, «Xáy, heé aa meet i deéro baraá xwaylár Saulowo? Bir deer geera a slaá' nguwa hhoeemaá Mungú i tleehh.» Siba guri mu/aywaáts, «Garmoó Yonatan i deer, ala inós aa sol'omiít ya'a' tsaraawo.»

1 WAAWITÁ 2:7

«Ala daaqoó Barsilai, heé yaamaá Gileadi, hhooeemáy tleehheek, masók i dinkwa nee mukdá' nee kuúng al/ayimá' gawaá meésaaroge. Asma inooín aníng ina sahhooayé' qoomár niwa hhiyaawók Absalomu wa goów.

2 WAAWITÁ 25:29

Naagáy Yehoyakini tlabaawós kudaá tseegamo giri duúx, awa hatlá' giri dahaás. Umuú deelooro ina /ayín doó waawutmoó wa aleeró.

WARA'AMI 41:9

Tam mulqumooeé' kudá' afhhamít, kudá' naa harahhiíf, kudá' nee aníng al/ayayimá', inós iga sakií/.

YEREMIA 52:33

Naagáy Yehoyakini tlabaá tseegamo giri duúx, iri /ayín umuú deelooro dinkwa nee waawutmoowo.

SEKARIA 7:9

«Aáng muk'eé' una hara'ayaarí báw, ‹Áx sakwasleemár ganaa' tleehhaak nee hhooeemaawo, umuú heewo hhiyaawós ngu gurtlatlay.

Matayo 6:11

Muruú /aymaarén oo laarí haniisang.

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Geehhoeemaá 3:20

Ga/aaweek, aníng a sihhimiít afkú dó' wa ale, a ateetiím. Hee barnaxes afor'eé' gaa axaás, nee afkú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.

1 SAMUELI 12:24

AAKOÓ MUNGÚ kilós na ilaiwa/aak kuwa sagadiyusa' ar inkihhimu, nee ar munerhúng sleémeero, inslawimé', adór nura muruú urén i tleéhh.

1 SAMUELI 20:15

múk dooeé' mu mawaar kuwa hhooeemií tlehh ay kureerisleém. Nee tam bar AAKOÓ MUNGÚ wakuuseerók gaa hhaamiís sleémeero baraakaá yaamuwo,

1 SAMUELI 22:23

Kuúng dir'eé' wa hootang, ma da'ayumiitaar, asma heé slafingw'eé' leelehiít an kudá' slafiingók leelehhiít, kuúng dir'eé' nawa hooteek ar amohhooa.»