2 SAMUELI 9:6 - Biblía Axweesantá Hhohho' ar Mungú 2004

⁶ Naagáy, Mefibosheti garmoó Yonatan, nángw naangoó Saulo, iri amór waawutmo Daudi káy. Mefibosheti iri qaát ar gura' dír geeraá waawutmo Daudi, guri i tumbarara'aát. Daudi guri ateét, «Mefiboshéti.» Inós iri ooín, «Oóy! Anuú lawaalmoowók a diirí.»

2 SAMUELI 9:6 Iomraidhean Croise

IIMU/UUNGW 18:2

Iri qaytsiít, ga/aaweek, múk tám aa sihhiít dír geeraawós. Abrahamu ngiwa ár, iri ta'aaín iimír afkú heémarós wa alé as ngiwa al'ay, iri tumbarara'aát.

IIMU/UUNGW 33:3

Inós kilós iri waaraáhh geeraaín i alé. Iwa nakaá/ geeraá hhiyaawós i alé, iri xupapuú' yaamií alé ay sagaáwa faanqw.

2 SAMUELI 1:7

Inós iwa aluuwós i qaytsiít, aníng ina ár, iri ateét. Aníng narí oó', ‹Aníng a diirí.›

2 SAMUELI 16:4

Waawutmo Daudi Siba guri báy, «Axáy, muruduú Mefibosheti hamí a kók.» Siba guri báy, «Na'amamís aakooeé' waawútmo, án kuúng u firiím, aníng hhooeemáy tleehháng umuúqo daqto.»

2 SAMUELI 21:7

Ala waawutmo Mefibosheti, garmoó Yonatan guri tuú/ asma lo'oodá' Daudi nee Yonatan garmoó Saulo taa /aáy as mulqi'iima. Inooínaaká' tsaraawo lo'oorí ngina /ayiyé' ar umuú AAKOÓ MUNGÚ.

2 SAMUELI 4:4

Yonatan garmoó Saulo, na/oó garma gu kón oo ya'aawós naa sol'omitiye'. Na/aywí ku bay Mefibosheti. Kureriwós a kooán qoomár kángw gwa'arár Saulo nee Yonatan kawa axaás baraá Yesre'eliro. Qoomaarihe umtuso'ór na/aywí ngiwa axás adór Saulo nee Yonatan kira tsuú/ amoodár Yesre'eliro, Mefibosheti guri taatáhh, guri ar góp. Ala qoomár iwa ti'ii'iin ar gaanslaay, na/aywí guri sláx, ya'aá na/aywí niri sol'omiitiyé'.

2 SAMUELI 9:5

Naagáy waawutmo Daudi muu guri ya/aáw, inós kuri leéhh amór doó Makiri garmoó Amieli, baraá yaamaá Lodebari.

1 QOM'I 8:34

Garmoó Yonatan a Merib-ba'ali, nee Merib-ba'ali ina laqwaál Mika.

1 QOM'I 9:40

Yonatan ina laqwaál Merib-ba'ali, Merib-ba'ali ina laqwaál Mika.

1 SAMUELI 20:41

Qoomár garmaadá' iwa tláy, Daudi niri ti'iít baraá alaá tlaa/eedá' i nahhaati, iri gitsee/ár huú' yaamií ale, iri xupuú' sagaáwa tám, tiri ma'amiisiyé', tari /aa/amín, qoomár Daudi iri ak harwaaraáhh.

1 SAMUELI 25:23

Abigaili, Daudi nguwa hhoó aán, ina gaanslár awét gawaá daanduú daqwaywose, ina xupú' dír geeraá Daudi, giti gari yaamúr ót.