2 SAMUELI 8:6 - Biblía Axweesantá Hhohho' ar Mungú 2004

⁶ Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

2 SAMUELI 8:6 Iomraidhean Croise

2 SAMUELI 10:19

Naagáy waawitá sleémeero kuduú sagadiyuusér Hadadeseri kawa tsaáhh adór múk Israeli kura harslaqaát, tari al'axweés tari waydiín dír múk Israeli, inooín tari lawaalér múk Israeli. Gawaá adoorihe múk Aramu aa baloó qiitliiká múk Amoni nguwa ale/iisi.

2 SAMUELI 23:14

Daudi qoomaarihe i baraá guruú koo/ír gawit. Slawtá slaqwaruusér Filisti i baraá gixsár Betilehemu.

2 SAMUELI 3:18

Hamí kangwsíng huware' amór tsee/aá /awaákií ale. Asma AAKOÓ MUNGÚ Daudi ngwaa al'axweesantí báy, iwa kaahi, ‹Ar dákw sagadiyusmoeé' Daudiwo muk'eé' oo Israeli u tuú/ dír múk Filistiro, nee dír wakuuser'ín ar hatlae.› »

2 SAMUELI 5:10

Daudi iri ak iia tleerúy, asma AAKOÓ MUNGÚ, Munguú Aleesleemusmo, nee inós a dinkwa.

2 SAMUELI 7:9

Iimír qoomaadae aníng nee kuúng a dinkwa, amór taqo keera nee wakuuseerók ana geeraawógi hhaamiís, án kuúng u iia tleereés adór múk hatlá' oo urén baraá yaamuwo.

2 SAMUELI 8:14

Xafoó múk slaqwara guri tleéhh baraá yaamaá Edomu sleémeero. Múk Edomu sleémeero tari lawaaleerós. AAKOÓ MUNGÚ Daudi guri baalírií haniís umuú dír aa qo kayi.

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

2 SAMUELI 8:7

Gaambuudaá mukduú slaqwara oo Hadadeseri awa ta tleéhh ar sahaábu Daudi gina hayóh, giri huúw ay Yerusalemu.

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

2 WAAWITÁ 1:1

Alaá gwa'arár Ahabuwo múk Moabu kuwa sawaawuti'in nee múk Israeli gana sií'.

2 WAAWITÁ 14:28

Tlehhma'aá hatlá' sleémeero awa Yeroboamu aa tleéhh, nee slaqwaradá' aa slaáqw ar migi nee adoodá' Damasko nee Hamati ngira hayóh tari yaamaá Israeli, tlehhmi'iiká' sleémeero kaa gooín baraá kitaábuú qom'aá waawituú Israeli.

2 WAAWITÁ 18:7

Naagáy AAKOÓ MUNGÚ a dinkwa nee inós, guri aleesleemú i haniís baraá umuú gár aqo tleehhi. Inós kuwa sawaawuti'in nee waawutmoó Ashuru gana sií', nee nguwa sagadiyuusi.

2 WAAWITÁ 3:4

Waawutmo Mesha oo Moabu, inós a de'eemusmoó bee/aangw, nee umuú kurko ohme gana bu'ún dír waawutmoó múk Israeli ar deeloó bee/aangw kume tsiiru, nee se'éngw bee/ángw kume tsiiru.

1 QOM'I 18:13

Inós xafoó slaqwaruuse gway tleéhh baraá yaamaá Edomu, múk Edomu sleémero tari lawaalér waawutmo Daudi tleehhiít. Nee AAKOÓ MUNGÚ Daudi guri baalír i haniís umuú dír aa kayi.

2 QOM'I 17:2

Inós slaqwaruuse gana qaás baraá umuú gixsár Yudawo, kudá' koo/ír gawit ngi koomá', nee wa/ángw hatlá' baraá yaamaá Yudawo, nee baraá gixsadaá yaamaá Efraimuwo, kudá' Asa baabuúwós naa hayóh, gari xuumuuseérí qaás.

WARA'AMI 140:7

AAKOÓ MUNGÚ, kuúng an Munguúeé', kuúng an ba/amusmooeé' oo úr. Sagw'eé' una báq qoomár slaqwaraaro.

WARA'AMI 60:10

Mungú, kuúng atén taa tsuwa kwáhhi? Kuúng nee slaqwaruuseerén ti alkoondá'aáke?

AXWEESANOÓ SAGALOOA 21:31

Faras kun amohhe'ees as slaqwara, ala baali ar AAKOÓ MUNGÚ.

1 SAMUELI 13:3

Yonatan koo/ír gawit ar slaqwaruusér múk Filisti gana daáhh, baraá Gebaro, múk Filisti kaangwí guri axaás, adór Saulo tarumbeéta ngira ufaáhh baraá yaamuudá' sleémeero iwa kaahi, «Gimsé' múk Ebrania i axaasi.»

1 SAMUELI 14:1

Looarka wake Yonatan garmoó Saulo, garmaadá' xooslarós koóm guri báy, «Gimáy qwaláng múk Filisti u harawarahhaán baraá koo/ir'ín tidá' gawit.» Ala Yonatan baabuúwós gwa ádbayká.

1 SAMUELI 14:15

Baraá yaamuudaá múk Filistiro, muu sleémeero iri amooqwaár, slaqwaruusér baraá xafaay nee múk baraá qamuuwo, nee xuumuusér baraá koo/ír gawit sleeme, nee kudá' naa haratlay'i, sleémeero gur'e ma'aay ngiri dala/iyé', tam yaamu sleeme nina daraxaatiyé', nee muu sleémeero iri kángw kilá' wa da'ayuút.

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»