2 SAMUELI 8:3 - Biblía Axweesantá Hhohho' ar Mungú 2004

³ Daudi Hadadeseri garmoó Rehobu, waawutmoó Soba, guri malé baál. Daudi ina baalín qoomár Hadadeseri iwa loohírí dirii'i, qoomár iwa yaamuudaá yaaér Eufratír ki/isár ay bartá waawuti'iimarós.

2 SAMUELI 8:3 Iomraidhean Croise

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

2 SAMUELI 10:15

Ala múk Aramu kawa tsaáhh adór slaqwara kara harslaqaát nee múk Israeli, tiri dinkwari burumburiyé'.

2 SAMUELI 10:16

Hadadeseri mukduú Aramu oo gayuú yaaér Eufrate guri i ya/abín kunguwa huwi. Kunguri huúw ay Helamu, kiwa geerahari nee Shobaki geeraharusmoó úr oo slawtá slaqwarár Hadadeseri.

2 SAMUELI 10:19

Naagáy waawitá sleémeero kuduú sagadiyuusér Hadadeseri kawa tsaáhh adór múk Israeli kura harslaqaát, tari al'axweés tari waydiín dír múk Israeli, inooín tari lawaalér múk Israeli. Gawaá adoorihe múk Aramu aa baloó qiitliiká múk Amoni nguwa ale/iisi.

2 SAMUELI 10:6

Múk Amoni kawa tsaáhh adór Daudi kura buhhtís, múk slaqwara oo ya'ár hi'iít oo kume mibeeri tsár kuna tlaáxw amór múk Aramu wa ale, inooín a múk yaamaá Bet-rehobu, nee yaamaá Sobaro. Nee múk slaqwara oo kume mibaá nee tsár guri tlaaxw oo yaamaá Tobu, nee múk kumuú wák oo waawutmoó yaamaá Ma'aka.

2 SAMUELI 23:36

nee Igali, garmoó Natani, heé múk Soba, nee Bani, oo múk Gadi,

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

1 QOM'I 18:3

Sleeme Daudi iri haratláy amór Hadadeseri, waawutmoó Soba, yaamaá iisaapoó Hamati, qoomár Hadadeseri iwa yaamaá yaaér Eufratér hayoohár wa slai.

2 QOM'I 8:3

Solomon gixsár Hamat-soba gay i haratláy, gari arbaá/ gay hayóh.

WARA'AMI 60:1

Aá Mungú, taa kwáhh, baqmoorén aga giqeér, kuúng aga búhh. Na'ás, ti malé adoodár aáng i ki/is.

WARA'AMI 72:8

Inós aleesleemu ngu kon bihhér yaamu sleémeero, iimír yaaeedá' ur ar ta babay Eufrate ay alhhe'eesoó yaamu.

TI'INAANGW 23:31

Digmuú yaamuuhúng a iimír tlawtá Shamúr wa tleemu ay tlawtá Mediteranea, iimír xaanxáy wa tleemu ay yaaér Eufrate. Asma yaamuloouusér yaamuuká' ngi gawaá dabaahúng i qaás nee kuungá' kiri tlatlahhasá'.

DABE 11:24

Umuú dír ta adata' ya'ahunge a yaamuuhúng, iimu/úngw digimuú yaamuuhúng a iimír xaanxáy wa tleemu bihhaá basko, tay bihhaá tloomár Lebanoni bihhaá /iiko, iimír yaaér Eufrate wa tleemu bihhaá da/aawe, ay Tlawtá Tla/aangw bihhaá /uwawo.

1 SAMUELI 14:47

Qoomár Saulo waawuti'iimár múk Israeli ngiwa óh, nee wakuuseerós ar bihhe sleémeero tana slaáqw nee múk Moabu, nee oo Amoni, nee oo Edomu, tam nee waawituú Soba nee múk Filisti sleeme. Umuúqo slaqwarár taa slaqwi, inós aqo ina baalín.