2 SAMUELI 8:2 - Biblía Axweesantá Hhohho' ar Mungú 2004

² Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

2 SAMUELI 8:2 Iomraidhean Croise

2 SAMUELI 12:31

Aluuwo múk gixsadá' guri ar tláy, giri qaás baraá gadiyeé. Xooslaá tar gadiyuusi a kuká': Masmeenadu nee sururuú muqsla, nee tsabuuwo, nee gadiyér matofaáli da/a/aangw kawa tleehhi. Adoorí an adór aa tlehhiít baraá gixsadu sleémeero awa múk Amoniwo. Alhhe'eesaywo Daudi nee muu sleémeero tari kií/ Yerusalemu.

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

2 WAAWITÁ 1:1

Alaá gwa'arár Ahabuwo múk Moabu kuwa sawaawuti'in nee múk Israeli gana sií'.

2 WAAWITÁ 17:3

Waawutmo Shalmanesa oo Ashuru guna i haraatláy, Hoshea iri sagadiyusmoó Shalmanesa tleehhiít, ohme gari hanmiís.

1 QOM'I 18:2

Daudi sleeme múk Moabu guna baál slaqwaraaro, tay lawaaleerós tleehhiít kway ohmér i huwahuúw.

2 QOM'I 26:8

Múk Amoni ohme ngiri huwahuwiyé' dirós i alé, gawaá adoorihe iri iia tleerúy ay yaamaá Misri, asma /uuruudá' i kon.

WARA'AMI 108:9

Moabu a iimper'eé' ar hamtlo, nee Edomu ugwa hharte'eéní qaás as tawa kwe'eé', aníng a waahhamiím as múk Filisti nguwa baál.»

WARA'AMI 18:45

Pihhoó dahaaye iri qwaár, nina ti'iitiyé' baraá slumooín wa ale, nay dir'eéní hardihiyé' ar daaraxaay.

WARA'AMI 60:10

Mungú, kuúng atén taa tsuwa kwáhhi? Kuúng nee slaqwaruuseerén ti alkoondá'aáke?

WARA'AMI 60:8

Moabu a qwaree/amooeé' oo hamtlo, nee Edomu ugwa hharte'eé' qaás as tawa kwe'eé'. Aníng a baraá/ asma múk Filisti ugwa baál.»

WARA'AMI 83:6

Inooín a múk Edomu nee oo Ismaeli, múk Moabu nee múk Hagari,

ISAYA 36:16

Waawutmo Hesekia mu iiárií qamiimara'. Waawutmoó Ashuru i kaahi, ‹Wayda tleehhaak nee aníng, qwalaasé' amor'eé', daqaní umuú heewo sabiíbu qaymoorós gu /aay, nee seituúnirose, nee iri hhekiit baraá hhalaangós oo kilá',

FAARO 24:17

Kudá' hardáh u ga/áw, ala a hamiheeká, una ár ala ku tseeweeká. Baraá xwaylár Yakobowo tsatsee/i ni ti'ít, waawutmo ni tla/ángw múk Israelír wa ti'iit, ar hhartós tidár waawuti'iimaro múk Moabu gun baal, xwaylár Seti sleémeero gari qororo'oos.

1 SAMUELI 10:27

Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.

1 SAMUELI 14:47

Qoomár Saulo waawuti'iimár múk Israeli ngiwa óh, nee wakuuseerós ar bihhe sleémeero tana slaáqw nee múk Moabu, nee oo Amoni, nee oo Edomu, tam nee waawituú Soba nee múk Filisti sleeme. Umuúqo slaqwarár taa slaqwi, inós aqo ina baalín.

1 SAMUELI 22:3

Daudi iri didá' wa tláy ay gixsár Mispa ar yaamaá Moabu. Waawutmoó Moabu guri báy, «Na'ás, baabuúeé' nee aayír'eene ya/aameek niwa amoorí hotaá aya' ay dír adoodá' Mungú ni aníngí tleehhi ngi ar.»

1 SAMUELI 22:4

Daudi xwayliiteérós gari geexáy dír waawutmoó Moabu, tari dirós wa hoót afi qoomaadá' sleémeero Daudi iwa baraá koo/ír gawít wa hooti.