2 SAMUELI 8:18 - Biblía Axweesantá Hhohho' ar Mungú 2004

¹⁸ Benaya garmoó Yehoyada a geeraharusmoó múk Kereti nee oo múk Peleti nee daaqoó Daudi inooín a kaahamuse.

2 SAMUELI 8:18 Iomraidhean Croise

2 SAMUELI 15:18

Sagadiyuuse sleémeero ar waawutmo, múk Kereti sleémeero, nee múk Peleti sleémeero, dinkwa nee múk Giti tsiire lahhoó' oo nee waawutmo Daudi ti alkoomá', gixsár Gaátír wa ale, inooín tari tláy dinkwa nee inós, tari geeraawós i waaraáhh.

2 SAMUELI 20:23

Qoomaarihe Yoabu a geeraharusmoó úr oo slaqwaruuse sleémeero ar Israeli. Benaya, garmoó Yehoyada, a heé úr oo múk Kereti nee múk Peleti.

2 SAMUELI 20:26

Ira, heé múk Yairi sleeme a kaahamusmoó Mungú oo Daudi gu alee/iimiís.

2 SAMUELI 20:7

Abishai iri tláy dinkwa nee Yoabu, nee múk Kereti, nee múk Peleti, nee miguuse sleémeero. Kuká' sleémeero tana Yerusalemúrí tláy, as Sheba garmoó Bikri kuwa ya/ati eeharahari.

1 WAAWITÁ 1:38

Aluuwo kaahamusmo Sadoki nee aarusmo Natani, nee Benaya garmoó Yehoyada, nee múk Kereti nee oo Peleti, tari altláy, Solomon kwaa tsa/aás gawaá wayshamoó waawutmo Daudi, nguri huwiyé' ay Gihoni.

1 WAAWITÁ 1:44

Slám waawutmo kaahamusmo Sadoki nee aarusmo Natani nee Benaya garmoó Yehoyada, nee múk Kereti, nee oo Peleti, inós ngina ya/aáw dinkwa nee Solomon, ngwa tsa/aasiyé' gawaá daanduú wayshamoó waawutmo.

1 WAAWITÁ 1:8

Ala kaahamusmo Sadoki, nee Benaya garmoó Yehoyada, nee aarusmo Natani, nee Shimei, nee Rei, nee xuumuusér Daudi, mukwí a dinkwaarooká nee Adonia.

1 WAAWITÁ 2:25

Waawutmo Solomon Benaya garmoó Yehoyada guri ya/aáw, inós Adonia guri slaáhh iri gwaá'.

1 WAAWITÁ 4:4

Benaya garmoó Yehoyada a geeraharusmoó slaqwaruuse, Sadoki nee Abiatari an kaahamuusér Mungú.

1 WAAWITÁ 4:5

Asariya garmoó Natani a heé úr oo geeraharuuse, nee Sabudi garmoó Natani an kaahamusmoó Mungú nee an mulqumoó waawutmo.

2 WAAWITÁ 11:4

Ala kurkú faanqw iwa xáy Yehoyada muu guri ya/aáw amór geeraharuuseedár slaqwaruuse nee amór hhay Kari, nee amór xuumuuse, gari ateét baraá doó AAKOÓ MUNGÚ, gari lo'ór /aymiís baraá doó AAKOÓ MUNGÚ wa ale, Yoashi garmaaduú waawutmo Ahasia guri laqán dir'íní ale.

1 QOM'I 11:22

Benaya, garmoó Yehoyada, oo Kabse'eli inós a migusmo muruú waa/oo/amo guna tlehhiít. Inós sleeme daaqoó tsár oo Arieli oo Moabu guna tsuú/. Sleeme diraangw guna haraadáh baraá bohoongw qoomaadár tsaaqwaaro gway gaás.

1 QOM'I 18:17

Benaya garmoó Yehoyada a heé úr oo múk Kereti nee múk Peletiro, nee daaqoó Daudi a múk ló'wa urén oo xuumuusér waawutmo.

ESEKIELI 25:16

gawaá adoorihe anuú Aakoó MUNGÚ dakw'eé' un tleés gawaá múk Filisti, aníng múk Kereti nee kuduú afaá tlawto un hhaamiís.

SEFANIA 2:5

Kuungá' xoorór Krete múk bihhaá tlawtá hoót, a tsaxwaahúng. AAKOÓ MUNGÚ daanduhunge i axweesantá kón. Kiíng Kana'ani, yaamaá múk Filisti, aníng nu hhaamiís, tam hee miwa meét oo baraawók wa hoót.

1 SAMUELI 30:14

Atén a mukdá' aa slaqwarár ay yaamaá Negebúr Kereti, nee yaamuudá' Yuda dinkwa nee Negebúr Kalebu. Gixsár Siklagi kari da/aán ar asla.»