2 SAMUELI 8:16 - Biblía Axweesantá Hhohho' ar Mungú 2004

¹⁶ Yoabu garmoó Seruya a geeraharusmoó úr oo múk slaqwara. Yehoshafati garmoó Ahiludi, a heé gooír muruú inslaslángw wa hariím ga amohhe'eemiís.

2 SAMUELI 8:16 Iomraidhean Croise

2 SAMUELI 18:2

Daudi slaqwaruuseerós gana qasiís baraá daqooroó tám, giri ya/aáw baraá slaqwara. Daqtá geera geeraharusmooín a Yoabu, daqtá tsár geeraharusmooín a Abishai, garmoó Seruya, hhiyoó Yoabu, nee daqtá tám ar Itai heé Giti. Waawutmo Daudi sleémeero giri báy, «Aníng nee kuungá' tin alkoomaán.»

2 SAMUELI 19:13

Amasa sleeme yaahasaak barnaxes inós a tseerer'eeneeká. Slám Mungú aníng i gaasi, barnaxes inós ugwa geeraharusmoó úr oo múk slaqwaruusereé' wa qaasiiká laarí kitángw Yoabu wa ale.»

2 SAMUELI 2:13

Yoabu sleeme, garmoó Seruya, nee sagadiyuusér Daudi tari tláy, tari doogiyé' nee Abneri nee mukdá' ti alkoomá' dír tlahhsadár ma'aay ar baraá Gibeoni. Slawtá wák ar múk slaqwara ina iwít bihhaá wák awa tlahhsa, nee ar hatlá' ina iwít bihhaáqaá hatlá'.

2 SAMUELI 8:15

Gawaá adoorihe Daudi iri waawuti'ín daanduú múk Israeli sleémeero, gari ara hhe'eés adór mukós sleémeero kur gan'amií tlehhiiti adoodá' kus hariím.

1 WAAWITÁ 4:3

Elihorefu nee Ahiya daaqoó Shausha, a goouuse. Yehoshafati garmoó Ahiludi, an heé muruú inslaslángw wa hariím gun gooii'ín.

2 WAAWITÁ 18:18

Waawutmo Hesekia nguwa ateetiyé', inooín kina al'áy nee Eliakimu garmoó Hilkia kudá' doó waawutmoó sagesihhmiít, nee Shebna kuduú goousmo, nee Yoa garmoó Asafu goousmoó muruú inslaslángwá hariím.

2 WAAWITÁ 18:37

Naagáy Eliakimu garmoó Hilkia kudaádá' doó waawutmoó sagesihhmiít, nee Shebna goousmo, nee Yoa garmoó Asafu goousmoó muruú inslaslángw wa hariím, tlabaaín kiri feehhamiís, niri amór Hesekia kayé', kángw heedá' úr oo múk taa karmuumúy aa káhh nguri ooiyé'.

1 QOM'I 11:6

Kár Daudi iri káh, «Heé geera oo múk Yebusi gwaa tsitsiihh ku geeraharusmoó slaqwaruusér wa qaas.» Naagáy heé geera tay Yoabu garmoó Seruya, inós kway heé úr wa qaás.