2 SAMUELI 8:15 - Biblía Axweesantá Hhohho' ar Mungú 2004

¹⁵ Gawaá adoorihe Daudi iri waawuti'ín daanduú múk Israeli sleémeero, gari ara hhe'eés adór mukós sleémeero kur gan'amií tlehhiiti adoodá' kus hariím.

2 SAMUELI 8:15 Iomraidhean Croise

2 SAMUELI 15:3

Absalomu gun bay, «Kwasleemarók tisíng i baraá gan'amu. Ala heé waawutmo aa qaás i kaahh oo kuúng u iiárií qaás.»

2 SAMUELI 20:23

Qoomaarihe Yoabu a geeraharusmoó úr oo slaqwaruuse sleémeero ar Israeli. Benaya, garmoó Yehoyada, a heé úr oo múk Kereti nee múk Peleti.

2 SAMUELI 3:12

Naagáy, Abneri ya/abuuseerós gana ya/aáw amór Daudi, baraá Hebroni, kuri báy, «Xáy yaamuuká' seebuúín a heemá? Al'axweesani dir'eé' ooang, án kuúng u ale/iís yaamaá Israeli sleémeero ngi dabaawógí qaás.»

2 SAMUELI 5:5

Baraá Hebroniro inós múk Yuda guna sawaawuti'ii'ín kureeri faanqw nee slahheraá lahhoó'. Nee baraá Yerusalemuwo múk Israeli nee múk Yudawo gina sawawiti'ii'ín kureeri mibeeri tám nee tám.

2 SAMUELI 8:14

Xafoó múk slaqwara guri tleéhh baraá yaamaá Edomu sleémeero. Múk Edomu sleémeero tari lawaaleerós. AAKOÓ MUNGÚ Daudi guri baalírií haniís umuú dír aa qo kayi.

2 SAMUELI 8:16

Yoabu garmoó Seruya a geeraharusmoó úr oo múk slaqwara. Yehoshafati garmoó Ahiludi, a heé gooír muruú inslaslángw wa hariím ga amohhe'eemiís.

1 WAAWITÁ 10:9

I xirfuuti AAKOÓ MUNGÚ, Munguúwók kudá' gaa slaa' kuúng uwa qaasi waawutmoó múk Israeli wa alé. Asma AAKOÓ MUNGÚ múk Israeli gwaa ló'wa slaá' ay alhhe'eesay wasle, hám kuúng ugwa waawutmoó wa qaás, as kwasleemár ganaa' kawa tlehhit, nee hotaá ganaa'á' kiwa ar hot.»

1 WAAWITÁ 4:1

Waawutmo Solomon yaamaá Israeli sleémeero gina sawaawuti'ín.

1 QOM'I 18:14

Daudi múk Israeli sleémeero guri sa waawuti'ín, nee mukós sleeme gwaa barqantusiiká.

WARA'AMI 119:121

Aníng a ganaá' nee ti daba' hhohhó', mi mawaar baraá dabaá baramaanuuser'eé'.

WARA'AMI 72:2

Mukók ngu har'oohi ar sakwasleemár ganaa', nee narkuteerók ngi geeraahari ar gan'amu.

WARA'AMI 75:2

Afiqoomaadá' aníng naa oó' bira xeér, aníng sakwasleema a tleéhh ar gan'amu.

WARA'AMI 89:14

Gan'amu nee sakwasleemár ganaa' an iihhafiirír waawuti'iimarók, sla'aarirók ar warqawaaká nee inkihhimu ki geehhoo', baraá umuúqo gár ta tlehhiita.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

AMOS 5:24

Gimsé', daxta sakwasleemár ganaa' ni wa/ adór duxuú ma'áy wa alé, nee hotaá ganaa'á' masók a adór yaaér baloó /oomaaká.

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',

1 SAMUELI 14:47

Qoomár Saulo waawuti'iimár múk Israeli ngiwa óh, nee wakuuseerós ar bihhe sleémeero tana slaáqw nee múk Moabu, nee oo Amoni, nee oo Edomu, tam nee waawituú Soba nee múk Filisti sleeme. Umuúqo slaqwarár taa slaqwi, inós aqo ina baalín.