2 SAMUELI 8:13 - Biblía Axweesantá Hhohho' ar Mungú 2004

¹³ Alaá Daudi Hadadeseri nguwa baál iri ak iia tleerúy, qoomár múk Edomu nguwa tsuú/ oo kume mibaá nee dakaát, baraá Xatstá Diwtá wá ale.

2 SAMUELI 8:13 Iomraidhean Croise

IIMU/UUNGW 11:4

Tari oó', «Gimsé', gixsarén a tleehhaán, nee baraá gixsarihe doó tleér u tleehhaán, oo tsitsinirós gawaá doorí hardah, nee tawa iiatleeruwaan, as mawa diya/ataán baraá yaamu sleémeero.»

2 SAMUELI 7:9

Iimír qoomaadae aníng nee kuúng a dinkwa, amór taqo keera nee wakuuseerók ana geeraawógi hhaamiís, án kuúng u iia tleereés adór múk hatlá' oo urén baraá yaamuwo.

1 WAAWITÁ 11:15

Aáng qoomár Daudi múk Edomu nguwa baál Yoabu, geeraharusmoó úr oo slaqwaruusér Daudi, ina tláy yaamaá Edomu as muk'ín kudá' taa tsuú/ nguwa fooli. Yoabu hhawaate sleémeero awa Edomu gina tsuú/.

2 WAAWITÁ 14:7

Amasia múk Edomu oo kumér mibaangw guna tsuú/ dír Xatstá Diwtá wa ale. Gixsár Sela gari /uurúr hayóh, gari umuú /abén i tsaát, gari báy, Yokte'eli. Tam ay laarí umuú yaamuudá' aqo kudá' inós aa tsaát.

1 QOM'I 18:12

Naagáy Abishai garmoó Seruya múk Edomu oo kume mibaá nee dakaát guna tsuú/ dír Xatstá Diwtá wá alé.

2 QOM'I 25:11

Waawutmo Amasia iri muna hhe'eés tari tláy slaqwaruuserós gay geerahaár ay xatstá diwi. Tari didá' wa slaáqw nee múk Seiri, múk Seiri oo kume mibaangw kuri tsuú/.

WARA'AMI 60:1

Aá Mungú, taa kwáhh, baqmoorén aga giqeér, kuúng aga búhh. Na'ás, ti malé adoodár aáng i ki/is.