2 SAMUELI 8:12 - Biblía Axweesantá Hhohho' ar Mungú 2004

¹² Muruuwí nguna hayóh baraá ayeemooká' wa ale, Edomu, nee Moabu, nee Amoni, nee Filisti, nee Amaleki dinkwa nee haasaáng kudá' naa hayóh dír Hadadeseérí wa alé, garmoó Rehobu, waawutmoó Soba.

2 SAMUELI 8:12 Iomraidhean Croise

2 SAMUELI 10:11

Yoabu, Abishai guri báy, «Gám, barnaxes aníng tir ba/abaa/ /uuruwo, nee múk Aramu, daqaní kuúng haratla/a ngu eér as aníng iwa ale/iisár eer. Ala bar múk Amoni kuúng ur ba/abaa/ /uuruwo, aníng haratla/a ngu áw as kuúng uwa /iis.

2 SAMUELI 10:14

Múk Amoni ngiwa ár adór múk Aramu ira goów, inooín sleeme tari goów geeraá Abishai wa ale, tari dáh baraá gixsa. Yoabu slaqwarár nee múk Amoni gari máy, iri kií/ ay Yerusalemu.

2 SAMUELI 8:2

Daudi múk Moabu guri malé baál, gurí yaamií qaatiís ar hhaay, guri tsaát baraá doqoro tám ar hima. Daqoroó tsár guri tsuú/, ala daqtá tám gari slafíngwí máy. Múk Moabu iri lawaalér Daudi tleehhiít, nguri koodíri hanmisiyé'.

1 QOM'I 18:11

Qeemuwí waawutmo Daudi guri paraátl as Mungú, dinkwa nee sahaábu nee peesaaro, tidá' aa hayóh baraá xoorduudá' slaqwaraaro aa baál, awa Edomu, nee Moabu, nee Amoni, nee Filisti nee Amaleki.

1 SAMUELI 15:8

Agagi waawutmoó múk Amaleki guna slafi óh, ala múk hatlá' sleémeero guna hhaamiís ar paánga.

1 SAMUELI 27:8

Baraá afiqoomaadae Daudi nee mukós tana slaqwarár áy amór múk Geshuri, nee múk Girisi nee múk Amaleki. Inooín an yaamuloouusér yaamuudá' iimír aange. Giri haraadáh baraá yaamuuínií ale, ay yaamaá múk Shuri, kudaá digma nee yaamaá Misri.

1 SAMUELI 30:17

Daudi gina harati'iít matlaatleero, gina laaláy muxtaaro ay tsiindaá bál tsár. Tam hhawaatuú aa /úy i kaahh, aqo har daaqayko tsiire tsiyáhh oo aa tsa/a/an gawaá daandemaá angamía, tari goów.

1 SAMUELI 30:20

Daudi daqoroó hikwa nee bee/aango ngiri ki/ís, mukós mura' sleémeero ngway idaáhh geeraawós wa ale. Ta axwees ta kaahi, «Muruuwí sleémeero a haasaánguú Daudi.»