2 SAMUELI 7:9 - Biblía Axweesantá Hhohho' ar Mungú 2004

⁹ Iimír qoomaadae aníng nee kuúng a dinkwa, amór taqo keera nee wakuuseerók ana geeraawógi hhaamiís, án kuúng u iia tleereés adór múk hatlá' oo urén baraá yaamuwo.

2 SAMUELI 7:9 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

2 SAMUELI 22:1

Daudi /aymi'iikaá daa'angwí giri oó' dír AAKOÓ MUNGÚ, baalaadá' AAKOÓ MUNGÚ nguwa ba/amís baraá dabaá wakuuseerós sleémeerowo, nee baraá dabaá Saulowo. Iri oó',

2 SAMUELI 22:30

Ar alee/isaywoge, slaqwaruuse an i haratláw, ar /uuruú Munguúeene koo/i a aleesláw ngiwa waa/akuut.

2 SAMUELI 22:43

Ina muúx, ngiri teerúw adór hhape, ina muxaxiím, ngiri kal/aám adór baa/ír baraá loohi.

2 SAMUELI 23:1

Gaarí an axweesantá Daudi ar alhhe'eesaay. A ya/abtór Daudi, garmoó Yese, ya/abtór heé taa uráy wa qaás nee Mungú. Munguú Yakobo, Daudi guna tsawaár guri waawutmoó wa qaás. Nee inós a daausmoó wara'amtá tsuu' baraá Israeliro.

2 SAMUELI 5:10

Daudi iri ak iia tleerúy, asma AAKOÓ MUNGÚ, Munguú Aleesleemusmo, nee inós a dinkwa.

2 SAMUELI 8:13

Alaá Daudi Hadadeseri nguwa baál iri ak iia tleerúy, qoomár múk Edomu nguwa tsuú/ oo kume mibaá nee dakaát, baraá Xatstá Diwtá wá ale.

2 SAMUELI 8:14

Xafoó múk slaqwara guri tleéhh baraá yaamaá Edomu sleémeero. Múk Edomu sleémeero tari lawaaleerós. AAKOÓ MUNGÚ Daudi guri baalírií haniís umuú dír aa qo kayi.

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

1 QOM'I 17:8

Umuú amór taa qo keeri aníng aqo dinkwa nee kuúng, nee wakuuseerók ana dír geeraawók wa hhaamiís. Aníng kuúng u iia tleereés adór múk hatlá' oo urén baraá daanduú yaamuwo.

WARA'AMI 21:6

Kuúng inós una tsuuqaá alhhe'eesay wásl i hanís, inós i haats qwal/uwo kuúng burtu dirósí tseéw.

WARA'AMI 89:23

Aníng mukdá' nee inós ti tlaampa'aamisá' un naasúw, i hhaamiís kudá' sleémeero ngu ahhiitá'.

Luka 1:52

Waawitá gwa hingeés baraá waawuti'iimar'ine. Kudá' liitlakwen gaa uráy haniís.

YOSHUA 6:27

Naagáy AAKOÓ MUNGÚ a dinkwa nee Yoshua baraá umuúqo gaaro ar aa tleehhi, nee xirfuú Yoshua sleeme kuri axaás nee muu sleémeero.

1 SAMUELI 18:14

Daudi gadiyeduuwós awa aa tlehhiít nina qomqaaqoné', as AAKOÓ MUNGÚ tawa dinkwa nee inós.

1 SAMUELI 18:30

Slaqwaruusér Filisti iri slaqwarár eér amór múk Israeli, ala umuúqo qoomár tawa slaqwi, Daudi in baalaalín, sagadiyuusér Saulo ba/a, gawaá adoorihe umuú Daudi iri iia tleerúy.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.

1 SAMUELI 31:6

Adoorí an adór Saulo ira gwaá', nee daaqaywós tamawo, slám nee heedaádá' xoslaá slaqwararós loohamamisa, dinkwa nee mukós sleémeero tana alqaátl baalaarihe.

1 SAMUELI 5:10

Sandakmoó Mungú kuri huúw ay Ekroni. Aluuwo sandakmooduú Mungú iwa hardáh Ekroni, mukduú Ekroni tsimahhiro yaamu gina gaamiís, tawa kaahi, «Sandakmooduú Munguú múk Israeli kungwa ayaarén i huúw. Atén nee mukrene ti xooro qwaarees.»