2 SAMUELI 7:25 - Biblía Axweesantá Hhohho' ar Mungú 2004

²⁵ «Aá AAKOÓ MUNGÚ gimáy, hamí al'axweesantók boo/eseek adoodá' kara ó' dír anuú lawaalmoowók, nee adoodá' kara ó' dír xwaylar'eé'.

2 SAMUELI 7:25 Iomraidhean Croise

IIMU/UUNGW 32:12

Inslaweek kuúng án ina al'axweesántí hanís ar iwa hhooárí tlehh, nee xwaylar'eé' kawa tlahhas adór hhasángw afaá tlawi, kudá' faaro ga ya/aamaaká.»

2 SAMUELI 7:24

Kuúng mukók oo Israeli ugwa kángw kilá' wa gawdés as tawa mukók kureerisleém, kuúng AAKOÓ MUNGÚ an Munguín.

2 SAMUELI 7:26

Muu umuuwók ngu xirfayeemisi daqisleém, tawa kaahi, ‹AAKOÓ MUNGÚ Aleesleemusmo a Mungú daanduú múk Israeliwo.› Nee xwaylár lawaalmoowók Daudi ka gawdees dír geeraawoge.

1 WAAWITÁ 2:4

as AAKOÓ MUNGÚ al'axweesantós ngiwa boo/eesi, /aymuuwós kudá' naa oó' daanduueene tidá' iwa oó', ‹Barnaxes daaqaywók birta harmaagaáhh baraá hotaaine, tawa dir'eé' wa hooti ar inkihhimu, ar muner'ín sleémeero nee qeeruuín sleémeero, daqaní kuúng hee u baloó dakuská oo iwiít baraá kitángw waawuti'iimár múk Israeli.›

1 WAAWITÁ 8:26

Hám daxta, aá Munguú Israeli, aníng kuúng u firiím, tí kuúng taa al'axwés dír baabuúeé' Daudi, sagadiyusmoowók, boo/eeseek.

2 QOM'I 6:17

Gawaá adoorihe daxta AAKOÓ MUNGÚ, Munguú Israeli, umuú gaaro tidá' taa al'axwés dír sagadiyusmoowók Daudi boo/eeseek.

WARA'AMI 119:38

Al'axweesantók boo/eesang dir'eene, anuú sagadiyusmoowók, al'axweesantá ta hanmís dír mukdá' kuúng u ilaiwawaá/.

WARA'AMI 119:49

Axweesantók tidá' taa ó' dír sagadiyusmoowók inslaweek, asma aga harahhiíf.

ESEKIELI 36:37

«Anuú Aakoó MUNGÚ a kah, Múk Israeli aníng i firín as tawa tlahhi adór daqtá bee/ángw wa alé, aníng in adoorí tleéhh.

1 SAMUELI 1:23

Hhawaatuuwós Elkana, gari báy, «Kahhoo', adoosíng hhoo' ta ga/eer tleehheek, daameek ay dír kway /oomes, AAKOÓ MUNGÚ /aymuuwós ngu gawdesa hhe'eesi.» Naagáy /ameenidá' iri dó'i mét, na/aywós guri du'umís, ay qoomár /omtaangós.