2 SAMUELI 7:20 - Biblía Axweesantá Hhohho' ar Mungú 2004

²⁰ Aá Aakoó MUNGÚ, anuú Daudi lawaalmoowók, gár ni male dirógií oo' a milá? Asma kuúng anuúwí oo lawaalmoowók i xú'.

2 SAMUELI 7:20 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

1 QOM'I 17:18

Aá AAKOÓ MUNGÚ, Mungú, gár anuú Daudi hamí ni dook a milá, as sagadiyusmoowók kuwa adoorír xirfayés, kuúng anuú sagadiyusmoowók i xú'.

WARA'AMI 139:1

AAKOÓ MUNGÚ, aníng kuúng iga tsee/ariín iri xú'.

Yohana 2:25

Inós lamabu'úngw heé i slai i kaahh daanduú heewo. Asma tidá' baraá muunuú heé i dirii' inós gaa qaroó xuú'.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

YOSHUA 5:14

Heedaádá' iri oó', «Aasla'áy, án bartá naa áw i káhh, aníng a diirí dirií', asma aníng a geeraharusmooduú malaykér AAKOÓ MUNGÚ.» Yoshua iri tumbarara'aát, giti gari yaamúr óh as ilaiwa/ame, iri oó', «Aakooeé', aníng a sagadiyusmoowók, gár kuúng ta sla' ar ni tleehh a milá?»

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»