2 SAMUELI 7:18 - Biblía Axweesantá Hhohho' ar Mungú 2004

¹⁸ Naagáy waawutmo Daudi iri tláy, iri iwiít geeraá AAKOÓ MUNGÚ, iri firín, iri oó', «Aníng a heemá, xáy Aakoó MUNGÚ, nee múk dooeé' a gár milá tam ay diirí án niwa iia tleerúw laarí.

2 SAMUELI 7:18 Iomraidhean Croise

IIMU/UUNGW 32:10

aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

IIMU/UUNGW 32:11

Án kuúng u firiím, ba/amisáng daxta baraá dabaá hhiyaaeé' Esauwo. Asma án inós u da'ayumiiít tiwa haramuki, nee sleémeero tiri tsuu/, ín aayo dinkwa nee na/iiwo.

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

2 SAMUELI 7:17

Natani umuú gaaro gana alki/iít dír Daudi, tidá' Mungú aa dirósí laqán ar baraá iigu'utu.

1 QOM'I 17:16

Naagáy waawutmo Daudi iri dáh baraá heémár AAKOÓ MUNGÚ, iri iwiít dír geeraá AAKOÓ MUNGÚ iri firín, iwa kaahi, «Aá AAKOÓ MUNGÚ, Mungú, aníng a heemá, nee dooeé' a gár milá, tam aníng iri adoorír xirfayés?

1 QOM'I 29:14

«Ala aníng a gár milá, nee tam muk'eé' sleeme a gár milá, tam atén muruuwí nguri aleeslawaán haniisaro ar muunuú /awaák, asma umuú gaaro amoorók ngin dáhh, baraá muruuwí amoorók dahha, atén kuúng una muruuwí hanisaán.

WARA'AMI 8:4

hee a gár milá kuwa inslasleer, laqaá na/oó hee a gár milá kuwa sadaawimit?

TI'INAANGW 3:11

Ala Mose guri báy, «Aníng a heemá tam niwa amór Farao kaw, nee múk Israeli nguwa baraá yaamaá Misrír wa duux?»

ISAYA 37:14

Waawutmo Hesekia barwito'o gari sláy dír ya/abuusér wa alé. Gari soomuús, iri tláy ay baraá doó AAKOÓ MUNGÚ barwito'oodá' gari gweér dír geeraá AAKOÓ MUNGÚ.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

HAR'OHUUSE 6:15

Gideoni iri oó', «Aáko, adór múk Israeli ngur tuu/ a adoomá? Tlahhay'eé' ku liitlaákw baraá Manasewo, slamí aníng ti iia tleereeká dír doó baabuúeene.»

RUTI 2:10

Ruti iri xupú', gitsee/awós giri kwatít ar yaamu. Boasi guri beér, «Adór aníng kuúng ira xú', anír dahaayo'o, tam aníng iri i axwés ar gurhhooa?»

1 SAMUELI 15:17

Samueli iri oó', «Tam geera kuúng tiwa ga/eer tu niinawe, xáy, taa ureésiíke tawa geeraharusmoó tlahh'aá múk Israeli. Nee AAKOÓ MUNGÚ uri iimbalaáx ar di/i tawa waawutmoó múk Israeli.

1 SAMUELI 18:18

Daudi Saulo guri báy, «Aníng a heé milá sleeme waawutámo tawa hhawaatuú dasiirók, kuúng tari taatoó hare dir'eene? Baabuúeé' nee tlahhoó doorene a múk iia tleereeká baraá múk Israeliro.»

1 SAMUELI 9:21

Saulo iri oó', «Xáy, aníng oo hhay Benyaminiwóke, tlahhayrén ku iia tleereeká baraá xoorór Israeliro. Slám múk guruú doorén ku niinawekáhe baraá tlahhoó Benyaminiwo? Asma milá ala gár isa adoosíng beér?»