2 SAMUELI 7:15 - Biblía Axweesantá Hhohho' ar Mungú 2004

¹⁵ Ala sla'aarir'eé' ar warqawaaká a hingeesaaká dirose, adór ngira hingeés dír Saulowo, kudá' naa hiingeés geeraawók wá ale.

2 SAMUELI 7:15 Iomraidhean Croise

2 SAMUELI 7:14

Aníng tari baabuúwós, inós tari garmaaeé'. Tlaákw birnga tleéhh, un iigahhaát, adoodár muu i /imamisi na/ii'ín kiwa naanaqaqati ar hhara.

2 SAMUELI 7:16

Do'ók nee waawuti'iimaroge i kumaamitiyá' dír geeraaeé' waá ale daqiisleém. Kitaangók oo waawuti'iima ku gawdees kureerisleém.› »

1 WAAWITÁ 11:13

Tam dír garmaawoge waawuti'iima hingeesaro a faakaaká, ala garmaawók u tlahhoó wák i geexáw as sagadiyusmooeé' Daudi, nee as gixsar'eé' ar Yerusalemu, tidá' aníng naa tsawaár.»

WARA'AMI 89:28

Sla'aarir'eé' ar warqawaaká dirose a baloó gunqareesaaká, nee alqador'eé' i warqeeraaká ay alhhe'eesay wasle.

WARA'AMI 89:31

barnaxes kaahir'eé' ngaa waaqaaiyé', nee hara'ayar'eé' ngay eehari'iiká,

WARA'AMI 89:33

Ala aníng Daudi aqo un slaá' ar sla'aarír warqawaaká, slám al'axweesante'eé' a lama tleehhaaká dirose.

WARA'AMI 89:34

Alqado a siaaká, laqaá a warqeesaaká tidá' afkwe'eene naa oó'.»

WARA'AMI 89:49

Aáko, sla'aarirók ar warqawaaká ar iimír qaro i amá? Aáko, al'axweesantadá' taa al'axwés ar inkihhimuuwók dír Daudi, i amá?

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»

1 SAMUELI 15:26

Samueli Saulo guri báy, «Án nee kuúng a baloó alki/anaaká, asma axweesantá AAKOÓ MUNGÚ aga sí', AAKOÓ MUNGÚ kuúng ugwa sií' tawa waawutmoó múk Israeli.»

1 SAMUELI 15:28

Samueli guri báy, «Laarí AAKOÓ MUNGÚ waawuti'iimarók dír múk Israeliro gaa feehhamiís, gari haniís dír inslaawmoowók, kudá' hhoó' ta kuunge.

1 SAMUELI 16:14

Naagáy Qeeruú AAKOÓ MUNGÚ Saulo guri geexáy, qeeruú tlaákw kuri ya/aamár i haniís nee AAKOÓ MUNGÚ, Saulo nguwa i dahi, guri amoqwaareemiís.

1 SAMUELI 19:24

Inós tlabaawós gina duúx, iri aarín dír geeraá Samueli wa ale. Xweera nee tlaatla/aango ku tlaba' wásl. Gawaá adoorihe, muu tiri yaahamiís kilooín ale, «Xaysé', Saulo sleeme a aarusmoówo?»