2 SAMUELI 7:14 - Biblía Axweesantá Hhohho' ar Mungú 2004

¹⁴ Aníng tari baabuúwós, inós tari garmaaeé'. Tlaákw birnga tleéhh, un iigahhaát, adoodár muu i /imamisi na/ii'ín kiwa naanaqaqati ar hhara.

2 SAMUELI 7:14 Iomraidhean Croise

1 WAAWITÁ 11:34

Tam adoorihe aníng waawuti'iima a hayohaaká gawaá dabaawose, ala án ugwa waawutmoó wa qaás baraá hotaawós sleémeero as Daudi, sagadiyusmooeé' kudá' naa tsawaár, kudá' hara'ayar'eé' gaa oh nee kaahir'eene.

1 WAAWITÁ 9:6

Ala bar aga warqeeré', aníng eeharahaduuwo iri meerá', kuúng nee na/iiwoge, hara'ayar'eé' nee kaahir'eene kiri meeré' ooharo, tidá' naa dír geerahúngí qaás, slám tari tleerá' munguaá hatlá' kiri sagadiyusá' nee kiri sluufmisá',

1 QOM'I 17:13

Aníng tari baabuúwós, nee inós tari garmaaeé', aníng sla'aarir'eé' tidá' warqawaaká a hingeesaaká dirose, adoodá' ngira hingeés dír Saulowo, kudá' geeraawók gaa haar.

1 QOM'I 22:10

«Inós dooeé' gu tleehh. Inós tari garmaaeé', aníng tari baabuúwós. Kitaangós oo waawuti'iima un gawdeés baraá Israeliro ay alhhe'eesay wasle.

1 QOM'I 28:6

«AAKOÓ MUNGÚ aníng iri báy, ‹Garmaawók Solomon an heé aníng i dó' i tleéhh. Aníng inós ugwa tsawaár tawa garmaaeé', nee aníng tawa baabuúwós.

YOBU 5:17

Heé amohhoó' a kudá' Mungú i naanaqan, gawaá adoorihe, naanaqtá Munguúdá' /uuruú koóm ma waaqa'aar.

WARA'AMI 2:7

Waawutmo i kaahi, «Aníng hara'ayaadá' AAKOÓ MUNGÚ naa oó' an alki/iít. Inós ina báy, ‹Kuúng an garmaaeé', án laarí kuúng ugwa laqwaál.

YEREMIA 30:11

Anuú AAKOÓ MUNGÚ a kah, «Asma aníng nee kuungá' a dinkwa as nuwa ba/amis. Aníng xoordu sleémeero i hhaamiís, kudá' aníng kuungá' nuy diyaá/. Ala aníng kuungá' nu hhaamisaaká. Kuungá' nun tawó muúx ar qoomoó gan'amu, ala a tawo watla'aaká burna muxiiká'.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

1 Korinto 11:32

Ala qoomár barnaxes atén ti sakwasleemuut, a Aako atén tin muux, as atén mitiwa sakwasleemuút dinkwa nee múk aa haratlintii'iiká.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»

DABE 8:5

Tí inslawaak adór AAKOÓ MUNGÚ, Munguúhúng kuungá' nura nanaáq adór baabá na/aywós ngur naanaqaaqan.

Ebrania 1:5

Asma Mungú iimír aange tam malaykamoó wák gwa bayká, «Kuúng a Garmaaeé', án kuúng laarí una laqwaál.» Nee slám aa ooiiká, «Aníng a baabá tleehhiít dirose, nee inós dir'eene tari Garma.»

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.