2 SAMUELI 6:20 - Biblía Axweesantá Hhohho' ar Mungú 2004

²⁰ Daudi niwa waátl amór múk do'ós, as nguwa tsuuqi, Mikali, dasír Saulo guri al'eér iri ó', «Waawutmoó múk Israeli kuwa xiríf a adoomá laarí, gár slaamá' gari tleéhh, /ankwetsuwós guri laqán geeraá sagadiyuusér waawutmoó wa ale, slaqás nee mukduú barawasluse, kudá' /ankwets gu gaárí xuaaká dír ilaá muko.»

2 SAMUELI 6:20 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

2 SAMUELI 6:16

Sandakmoó AAKOÓ MUNGÚ kunguwa hardahaás baraá gixsár Daudi, Mikali dasír Saulo ina pa/ángwár qaytsít, waawutmo Daudi guri aán iwa ni/in geeraá sandakmoó AAKOÓ MUNGÚ wa ale. Inós Daudi guri waaqá' baraá muunaáwose.

2 SAMUELI 6:18

Daudi ilahhooár da/a nee ar wayduwo ngiwa hhe'eés haniisaro, muu guri tsuúq ar umuú AAKOÓ MUNGÚ Aleesleemusmo.

2 SAMUELI 6:19

Daudi múk Israeli sleémeero, hhawaate nee /ameenaaro, umuúqo heewo guna qáy ar mukaatmo, /aarmoó fu'uni nee mukaatmoó sabiíbu. Alaá tihe muu sleémeero iri tláy, umuú heewo iri waátl amór do'ós.

1 QOM'I 16:43

Aluuwo umuú heewo ina waátl amór do'ós i alé, Daudi sleeme iri waátl amór do'ós as múk do'ós nguwa tsuuqi.

YOBU 30:8

Bira aán a daktanár qoo tawo, xwaylár múk ia' wásl, Kina slakaát baraá ayko as niwa quutliya'.

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

WARA'AMI 30:1

AAKOÓ MUNGÚ, án kuúng u xirfayeemiís, asma iga ki/ís afkú bohóngw wa ale, nee wakuuser'eé' aga ya/aandiiká iwa qwalaala/ daandueene.

DAHARUSMO 7:17

Ma ló'wa tlakuwaar, laqaá ma ló'wa daktu'uutaar. Ahaá waáy gár slafiingók kus hartsat a milá?

Marko 14:66

Qoomár Petro iwa baraá afeenidí kahhi, /ameenirka wák niri hardát. Inós a sagadiyuso'ór doó kaahamusmoó úr oo Mungú.

Marko 3:21

Múk dooín kaangw nguwa axaás tari tláy as kuwa oohi, asma ta kaahi, «Sagós aa hhitiruút.»

Yohana 13:6

Iri hardáh dír Simon Petro. Petro iri oó', «Aáko, kuúng ya'aaeé' inqo hámtla?»

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

HAR'OHUUSE 9:4

Mukdá' parhheemaá mibeeraá faanqw awa muqslár peésa gari leéhh baraá doó munguúdá' ta bay Ba'al-beriti, kari haniís dír Abimeleki as ngiwa tlaxwi ar múk baraawaslén oo hhasloowaslén.

1 SAMUELI 14:49

Daaqoó Saulo a kwí: Yonatan, nee Ishfi, nee Malkishua, nee umér dasuuwós kudá' tsár a tí, umuú tidár baris ku bay Merabu, nee umuú dasír niina ku bay Mikali.

1 SAMUELI 18:20

Ala Mikali dasír doó Saulo sleeme, inós Daudi guna slá', Saulo kway báy, «Mikali Daudi gwa waatlakwés.» Saulo iri qwalaá/.