2 SAMUELI 6:2 - Biblía Axweesantá Hhohho' ar Mungú 2004

² Daudi iri tláy dinkwa nee mukós sleémeero, múk aáng nee inós aldinkwa amoodár Ba'ala ar baraá Yuda, tindina amoodá' wa tláy as tawa sandakmoó Mungú leehhi, Munguúdá' umuuwós ta bay AAKOÓ MUNGÚ Aleesleemusmo, kudá' aa iwiit gawaá kitangwduú aleesleemu kudá' gáwtí dirií', dír keruúbi.

2 SAMUELI 6:2 Iomraidhean Croise

2 SAMUELI 22:11

Iri tsa/án gawaá keruúbi, iri /akuút. Kuna ár gawaá hhampe'eeraá fur'a.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

ISAYA 47:4

Ba/amusmoorén, umuuwós an AAKOÓ MUNGÚ aleesleemusmo, inós an kudá' hhoohhoó' oo Israeli.»

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

YOSHUA 15:60

Gixsadaá hatlá' awa taa haniís a Kiriat-ba'ali, inós sleeme kan babay Kiriat-yearimu, nee Raba. Gixsaduuká' kaa haniís a tsár dinkwa nee ayeemoine.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

1 SAMUELI 4:4

Naagáy muu kuri ya/aáw ay Shilo, sandakmooduú alqadór AAKOÓ MUNGÚ Aleesleemusmo kunguri huúw, Munguúdá' hotaawós gáwtií diriiá' dír keruúbiro. Daaqaydá' tsár oo Eli, Hofni nee Finehasiwo, ta baraadií dirii' dinkwa nee sandakmoduú alqadór MUNGUHE.

1 SAMUELI 6:21

Mukwí iri ya/abín amór múk Kiriat-yearimu, tari oó', «Xoorór Filisti sandakmooduú AAKOÓ MUNGÚ ngwa ki/isiyé', qwalaasaré' aweeraré', leehhare', kuungá' ar tlawaak.»

1 SAMUELI 7:1

Mukduú Kiriat-yearimu tindiri hardáh, sandakmooduú alqadór AAKOÓ MUNGÚ kuri ar tláy, kuri huúw dír doó Abinadabu gawaá tlooma. Inooín garmaawós kudá' ta bay Eliasari kuri tsawaár, as sandakmoó alqadór AAKOÓ MUNGÚ nguwa amohhe'eemisi.