2 SAMUELI 5:7 - Biblía Axweesantá Hhohho' ar Mungú 2004

⁷ Tam adoorihe, waawutmo Daudi gixsár Siyoni gana hayóh tidá' taa harweér ar koo/ír gawit, tari gixsár Daudi.

2 SAMUELI 5:7 Iomraidhean Croise

2 SAMUELI 5:8

Baalaadae Daudi iri oó', «Umuúqo heewo oo múk Yebusi gu tsu/utár áw, i maamaahhati ar baraá digeemikaá ma'aay, as taqooray nee taampu kiwa haraadahi tsu/taro, kuká' muunaáeene ni sla'aaká.» Gawaá adoorihe gaarí an gár muu tas aain, «Taampu nee taqooray ta dahiiká baraá do'o.»

2 SAMUELI 5:9

Daudi ina hoót baraá gixsarí taa harweér koo/ír gawít, gari umií tsaát, gari báy, «Gixsár Daudi.» Daudi gixsadá' gari harweér tleehhamooro, iimír Milór waá tleemu ay baraá guruú gixsaa.

2 SAMUELI 6:10

Gawaá adoorihe, Daudi sandakmoó AAKOÓ MUNGÚ nguwa huwi baraá gixsár Daudi gwa slaiiká, ala guri huúw amór doó Obed-edomu, heé xoorór Giti.

2 SAMUELI 6:12

Waawutmo Daudi ngiwa axaás adór AAKOÓ MUNGÚ múk doó Obed-edomu ngura tsuúq nee muruuwós sleémeero oo i kona, asma sandakmoó Mungú, Daudi sandakmoduú alqado guri leéhh dír do'duú Obed-edomu, guri huúw amór gixsár Daudi ar bara/.

2 SAMUELI 6:16

Sandakmoó AAKOÓ MUNGÚ kunguwa hardahaás baraá gixsár Daudi, Mikali dasír Saulo ina pa/ángwár qaytsít, waawutmo Daudi guri aán iwa ni/in geeraá sandakmoó AAKOÓ MUNGÚ wa ale. Inós Daudi guri waaqá' baraá muunaáwose.

1 WAAWITÁ 2:10

Aluuwo Daudi iri gwaá', kuri foól baraá gixsár Daudi.

1 WAAWITÁ 3:1

Solomon nee Farao waawutmoó Misri mar'afi kana sláy as dasír waawutmoó Misri ngiwa duúx, gari huúw baraá gixsár Daudi, ay qoomár do'ós nguwa hhe'eés tleehhamooro, nee Doó AAKOÓ MUNGUHE, nee koo/ír Yerusalemu ngiwa harweér.

1 WAAWITÁ 8:1

Aluuwo waawutmo Solomon bariisér Israeli, nee geeraharuusér xoordu, nee geeraharuusér maraá múk Israeliro gina burumbuúr geeraawós i alé, baraá Yerusalemu as Sandakmoó Alqadór AAKOÓ MUNGÚ nguwa duuxiya' baraá gixsár Daudiwo, tidá' ta bay Siyoni.

1 WAAWITÁ 9:24

Aluudae dasír Farao iri lót amór gixsár Daudi wa ale ay amór do'ós kudá' Solomon aa tleéhh, Solomon koo/ír gawit ar Milo gari tleéhh.

1 QOM'I 11:7

Daudi iri hotaá áy baraadaá gixsár koo/i gawit, gawaá adoorihe didá' kay báy, «Gixsár Daudi.»

2 QOM'I 24:16

Kuri foól baraá gixsár Daudi, dír /aantaá waawitá, asma inós hhooeema gina tleéhh dír múk Israeliro nee dír Munguhe, nee dír do'ose.

2 QOM'I 5:2

Aluuwo Solomon bariisér Israeli nee múk urén oo tlahh'aá Israeli, nee geeraharuusér maraá baabi'i sleémeero gari burumbuúr baraá Yerusalemu, asma sandakmoó alqadór AAKOÓ MUNGÚ nguwa leehhiya' baraá gixsár Daudi tidár Siyoni.

NEHEMIA 3:15

Nee Afkuduú Kutli kuna /abeés tlehhmuuwo nee Shalumu garmoó Kolhose, heé úr oo yaamaá Mispa, gari tuuntuúk afkudá' gway sihhtís nee muqslaadá' kway tsegaagiti nee tidá' kur tsegaagiti sleeme. Didár Tlahhsár Shelaro koo/i gari tleéhh ar bihhaá asalmoó waawutmo ay awnángw amór gixsár Daudi.

WARA'AMI 132:13

Asma AAKOÓ MUNGÚ yaamaá Siyoni gaa tsawaár, as iwa baraadií hotaá ay,

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 48:12

Hi'iimité', gixsár Siyoni harweditaak, gixsa harweera hhe'eesaak, tsitseenaá koo/irós fadiitaak.

WARA'AMI 48:3

Mungú i baraá maraydaá gixsár i dirii', inós taa laqán tawa baqmór saxamaár.

WARA'AMI 51:18

Siyoni hhooeemií tleehheek ar gurtleemuuwók, koo/ír Yerusalemu tleehheek.

WARA'AMI 87:2

AAKOÓ MUNGÚ gixsár Siyoni ga ak slaa', ta yaamu sleémeero awa Israeli.

WARA'AMI 9:11

AAKOÓ MUNGÚ gawaá Siyoni sa daa'aak, tlehhmi'iiwós alki/iitaak baraá tla/ángw muko.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 59:20

Inós ni Siyonírií hardah adór gweerusmo. A gweerusmoó xwaylár Yakobo tidá' tlakweema gaa meer, AAKOÓ MUNGÚ i kaahi.

YEREMIA 21:13

Ga/aawaak, hám daxta aníng nee kuungá' an slaqwaán, kuungaáká' baraá xatsoó wa hootá', kuungaáká' aga iwiite' gawaá tlaa/ár baraá xatsa, kuungaáká' kaahá', ‹Heé atén ti qiítl i haratleemuwo a heemá? Ahaá, a heemá oo dahamaá baraá yaamuurén gi aleesláw?›

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.

Geehhoeemaá 14:1

Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.