2 SAMUELI 5:6 - Biblía Axweesantá Hhohho' ar Mungú 2004

⁶ Aluuwo Daudi nee mukós tana haratláy amór múk Yebusi, kudá' baraá Yerusalemúr hoót. Ala inooín kuri báy, «Kuúng ni datká baraá gixsarihe, taampu nee taqooráy un tlatlahhasiyá' amór saawí ale.» Kuna adoorí báy geeraawo kawa xui Daudi dahmuú baraá gixsadá' gu aleeslayká.

2 SAMUELI 5:6 Iomraidhean Croise

IIMU/UUNGW 14:18

Melkisedeki waawutmoó gixsár Salemu mikaáte nee difaái ngina huúw. Inós a kaahamusmoó Munguú Gáwtí dirií'.

2 SAMUELI 22:30

Ar alee/isaywoge, slaqwaruuse an i haratláw, ar /uuruú Munguúeene koo/i a aleesláw ngiwa waa/akuut.

AXWEESANOÓ SAGALOOA 21:22

Heé sagaloó' gixsár /uuruú koom gan hayoh. Tam koo/idá' na harahhifiyé' gan yaamií slaax.

YEREMIA 21:13

Ga/aawaak, hám daxta aníng nee kuungá' an slaqwaán, kuungaáká' baraá xatsoó wa hootá', kuungaáká' aga iwiite' gawaá tlaa/ár baraá xatsa, kuungaáká' kaahá', ‹Heé atén ti qiítl i haratleemuwo a heemá? Ahaá, a heemá oo dahamaá baraá yaamuurén gi aleesláw?›

YEREMIA 37:10

Kuungá' slaqwaruuseedár Kaldayo sleémeero, tidá' nee kuungá' slaqwá' tam bala'a, nee múk taa hariaa'áy iri meet baraá slumooín, mukdá' taa hariaa'áy nin baraadá' wa sihhiitiyá', gixsarí kari daa/ ar asla.»

Ebrania 7:1

Melkisedeki a waawutmoó Salemu. Slám inós a kaahamusmoó Munguúdá' gáwtí dirií'. Melkisedeki Abrahamu guna al'áy qoomaadá' Abrahamu iwa slaqwarár dahhi, waawitá nguwa tsuú/. Abrahamu kuri tsuúq nee Melkisedeki.

YOSHUA 10:3

Gawaá adoorihe waawutmo Adoni-sedeki afo gay ya/aáw amór waawutmo Hohamu oo Hebroni, nee waawutmo Piramu oo Yarmuti, nee waawutmo Yafia oo Lakishi nee amór waawutmo Debiri oo Egloni.

YOSHUA 15:63

Ala múk Yuda múk Yebusi ngwa aleeslay'iiká tlatlahhasaro. Mukuú Yebusi aáng an yaamuloouusér Yerusalemu. Ala tam ay laarí mukuú Yebusi nee múk Yuda tan alhoot.

YOSHUA 18:28

nee Sela, nee Ha-elefu, nee Yebusi, tidá' ta hara babay Yerusalemu, nee Gibea nee Kiriat-yearimu. Gixsaduuká' kaa haniís dinkwaaro a mibaá nee tsiyáhh. Ayeemooká' sleémeero an kudá' taa haniís dír tlahhoó Benyamini nee múk do'ós.

HAR'OHUUSE 1:21

Ala múk Benyamini múk Yebusi kudá' baraá gixsár Yerusalemúr hoót ngwaa gusi'iiká. Múk Yebusi nee múk Benyamini tana alhotaatín Yerusalemúr wa ale tam ay laarí.

HAR'OHUUSE 1:8

Múk Yuda nee múk Yerusalemu tari slaáqw, múk Yerusalemu kuri muúx ar paangadu, kuri tsuú/, nee gixsa kari daá/ ar asla.