2 SAMUELI 5:3 - Biblía Axweesantá Hhohho' ar Mungú 2004

³ Naagáy bariise sleémeero ar múk Israeli iri daqeér Hebroni dír waawutmo Daudi. Inós al'axweesani gari oó' dir'íní ale, dír geeraá AAKOÓ MUNGÚ wa ale. Daudi kuri iimbalaáx ar di/i tawa waawutmoó Israeli.

2 SAMUELI 5:3 Iomraidhean Croise

2 SAMUELI 2:4

Múk Yuda tari daqáy ay Hebroni, amór Daudi, kuri iimbalaáx ar di/i kuwa waawutmooín wa qaasi. Daudi ngiwa axaás adór Saulo kura foól nee múk Yabesh-gileadi,

2 SAMUELI 2:7

Ala gimsé', /atlé', miguuse tleehhité', Saulo aakoohúng aa kahhuút, nee múk Yuda aníng iga iimbalaáx ar di/i as tawa waawutmooín.»

2 SAMUELI 3:21

Abneri Daudi guri báy, «Kuúng waawutámo, aakooeé', aníng hamí a tláw, múk Israeli sleémeero ngu huúw. Tindi hardah nee al'axweesani kingiri oo' dirók as kahhó' kuúng tawa waawutmoín. Kuúng kiri sawawiti'iín sleémeero ar adoodá' ta sla'.» Daudi Abneri guri deelór báy, Abneri iri tláy ar wayda.

1 WAAWITÁ 1:34

Daqaní amoodae kaahamusmo Sadoki nee aarusmo Natani ngu di/tár iimbalaaxiye', as tawa waawutmoó Israeli, tarumbeéta ka ufahhá' ta oa'. ‹Waawutmo Solomon i hootaatin.›

2 WAAWITÁ 11:17

Naagáy kaahamusmo Yehoyada alqado gari tleéhh tla/ángw AAKOÓ MUNGÚ nee waawutmo nee mukós, as tawa múk AAKOÓ MUNGÚ, slám alqadu gina tleéhh tla/ángw muu nee waawutmo.

1 QOM'I 11:1

Múk Israeli sleémeero tari burumburiít baraá Hebroni dír Daudi, kway báy, «Ga/aaweek, atén a slaqwatók nee aa tseereerók ar kilá'.

1 QOM'I 11:3

Aluuwo bariisér múk Israeli sleémeero tay daqáy dír waawutmo Daudi baraá Hebroni. Inós alqado giri oó' dir'ín geeraá AAKOÓ MUNGÚ wa ale. Inós kway iimbalaáx as tawa waawutmoó múk Israeli, ar adoodá' AAKOÓ MUNGÚ ngira oó' dír Samueli.»

1 QOM'I 28:4

Tam adoorihe AAKOÓ MUNGÚ, Munguú Israeli, aníng ina tsawaár dír doó baabuúeene tawa waawutmoó múk Israeli kureerisleém. Tlahhoó Yuda guna tsawaár as iwa waawuti'in, nee baraá doó Yudawo guruú doó baabuúeé' gway tsawaár, baraá daaqoó baabuúeene aníng ina gurií baá/, iri waawutmoó múk Israeli wa qaás.

2 QOM'I 23:16

Yehoyada alqado gari tleéhh, inós nee muu sleémeero nee waawutmowo, as inooín tawa múk AAKOÓ MUNGÚ.

NEHEMIA 9:38

As tí aa tleehharuuti atén alqadór gawit an qaasaán ar gooi, nee mukrén oo urén, nee múk tlahhoó Laáwiwo, nee kaahamuuseero. Inooín dugeeni'ín ngi qaasiyá'.

TI'INAANGW 3:16

Tláw, bariisér Israeli dinkwár i burumbureek, ki beer: AAKOÓ Mungú, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng ina harati'iít iri báy, ‹Inooín ádbaweek adór ngira i hardáh nee slahh'amuudá' taa sláy baraá yaamaá Misriro ugwa ár.›

YOSHUA 10:36

Aluudae inooín tay tláy dír Eglonír wa ale, ay gawaá geetuú tloomár Hebroni, gixsadá' ngiri i haratlayé'.

HAR'OHUUSE 11:11

Yefta nee bariiseedár Gileadi tiri alkoné', inós kuri waawutmooín wa qaás. Yefta iri axweés dír AAKOÓ MUNGÚ baraá Mispár alé.

1 SAMUELI 11:15

Múk aáng sleémeero tari tláy ay Gilgali, Saulo kuri waawutmoó wa qaás dír geeraá AAKOÓ MUNGÚ baraá Gilgali. Ilahhooár wayda ar muruú ta tsu/i kari haniís dír AAKOÓ MUNGÚ. Saulo nee muu sleémeero oo Israeli tari qwalalaá/ kángw kilá' wa ale.

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.

1 SAMUELI 23:18

Nee kukaaká' tsaraawo nari al'axweesiyé' geeraá AAKOÓ MUNGÚ wa ale. Daudi iri hoót Horeshír wa ale, nee Yonatan iri waátl amór do'ós.