2 SAMUELI 5:13 - Biblía Axweesantá Hhohho' ar Mungú 2004

¹³ Daudi /ameena gana duxuút, nee tana alhoót nee /ameenár aa quturmií qaminká baraá gixsár Yerusalemuro, alaá tindiwa kií/ Hebronír wa ale. /Ameenaarí guna na/aá daaqáy laqwál nee awa dasuwo.

2 SAMUELI 5:13 Iomraidhean Croise

2 SAMUELI 12:2

Daqarmoodá' bee/ángw yaariír gu kón nee hikwaá yaariire.

2 SAMUELI 5:12

Gawaá adoorihe, Daudi gari tsaáhh adór AAKOÓ MUNGÚ ngura waawutmoó wa qaás, nee adór waawuti'iimarós ngira gawdeés, nee adór ngira xirfayeés as mukós oo Israeli.

1 WAAWITÁ 11:3

Tlaawoó Solomon tay tsiire faanqw, nee /ameenár quturmo wasl a tsiire tám. /Ameenaarí guri muuná warqés loohír Mungú ngiwa may.

1 QOM'I 3:1

Daaqoó Daudi kudá' taa laqwaál baraá Hebroni alé, a Amnoni, garmoó baris, aayoorós a Ahinoamu ar yaamaá Yesre'eli. Garmoó tsár a Danieli aayoorós a Abigaili, ar Karmeli.

1 QOM'I 3:9

Kuká' sleémeero a daaqoó Daudi aa laqwaál, daaqoó hatlá' oo taa laqwaál nee /ameenadá' quturmo wasl i deer. Inós sleeme dasi ga kón ar ta bay Tamari.

2 QOM'I 13:21

Ala Abiya iri kumiít, /uuru guri ló'wa sláy. Tlaawoó mibaá nee tsiyáhh guri duxuút, na/aá daaqaay ngaa laqwaál a mibeeri tsár nee tsár, nee awa dasu a mibaá nee lahhoó'.

DABE 17:17

Masók waawutmo a heé tlaawoó yaariír gu sla'aaká duuxooro, as aluuwo muunaáwós mukuwa paslís nee /ameenár yaariir, iri dee/anuut. Laqaá tam peésár yaariir, laqaá sahaábuú yaariír munguwa burumburín.

1 SAMUELI 25:43

Slám Daudi Ahinoamu ar Yesre'eli gana duúx, kuká' tsaraawo tari tlaawoó Daudi.