2 SAMUELI 4:8 - Biblía Axweesantá Hhohho' ar Mungú 2004

⁸ Aluuwo ságw Ishbosheti nguna huwír Hebroni amór Daudi. Inooín Daudi kuri báy, «Gaarí a ságw Ishbosheti, garmoó Saulo kuduú wakusmowók, kudá' geeraá slafingók gu qwaareesár wa slaá'. AAKOÓ MUNGÚ laarí marmaarók tidá' gaa buú' gawaá daanduú Saulo nee xwaylarós.»

2 SAMUELI 4:8 Iomraidhean Croise

2 SAMUELI 18:19

Ahima'asi, garmoó Sadoki, iri oó', «Áx ya/aám, aníng a ta'aaím amór waawutmo, kaangwí u ooár áw, adór AAKOÓ MUNGÚ inós ngura tuú/ baraá /uuruú wakuuseerose.»

2 SAMUELI 18:31

Heedaáduú Kushi nari hardáh, iri oó', «Kángw hhó' ngwa huúw amoorók, aakooeé' waawutámo! Asma AAKOÓ MUNGÚ kuúng laarír kilá' ugwa tuú/ dír /uuruduú mukdá' daber'ín gaa tleesi gawaá kuúng.»

2 SAMUELI 2:8

Abneri garmoó Neri, geeraharusmoó slawtá slaqwara ar Saulo, Ishbosheti garmoó Saulo guna leéhh, guri huúw ay Mahanaimu.

2 SAMUELI 22:48

Inós aníng iga aleeslawtís, marmár'eé' ngiwa buu', nee xoordu ngiri baál.

WARA'AMI 71:24

Aníng gan'amuuwók un alki/iít tlaatla/aangw sleémeero, asma kaa mureekeés nee kiri niqmís kudá' aníng i gár tlaákw i sla'á'.

Matayo 2:20

«Tláw, na/aay nee aayoorose ar ki/eek ay baraá yaamaá Israeli. Asma mukdá' na/oó gaasár wa slaá' aa qaátl.»

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

Geehhoeemaá 6:10

Inooín tari tseeamín ar afór ur ta kaahi, «Aáko, kuúsíng hhoohhoó' nee oo looeemaá axweés, kuúng ta damraaraan ay xaylá? Kuúng sakwasleema ka tlehh a xaylá, as li/oó tseereerén kuwa bu' dír mukdá' baraá yaamuú wa hoota?»

1 SAMUELI 18:11

Hamtidár kilae Saulo Daudi guri duquús ar lawaaladií kon ar dakós, ki/ima ngaa hhe'eés tsár inós ngiwa xui geeraawo gun koo/ír haramuut, ala Daudi lawaaladá' gana kwirhhiít ki/ima tsaraawo.

1 SAMUELI 19:1

Saulo garmaawós Yonatan nee mukduú sagadiyuuseerose giri i axweés adór Daudi kur gaasi. Ala Yonatan garmoó Saulo nee Daudi a mulqe kángw kilá' wa ale.

1 SAMUELI 19:15

Saulo ya/abuuseerós tí gari male ya/aáw, gari báy, «Daudi qatanír alhuwaare' amor'eé', as kahhó' u gaás.»

1 SAMUELI 20:1

Daudi nina goów Nayotír wa ale ay baraá yaamaá Rama, iri tlaatláy ay amór Yonatan, guri báy, «Gár naa dakuús a milá? Tlakweemaeé' a milá? Gár tlaakw ar naa tleéhh dír baabuúwoge a milá, tam slafingw'eé' nguwa qwaareesár wa slai?»

1 SAMUELI 23:15

Daudi ina da'ayuút, asma Saulo inós nguwa gaasár wa slai, Daudi i baraá xaanxayduú Sifu, amór Horeshi.

1 SAMUELI 24:4

Muu Daudi guri báy, «Laarí an baalaadá' AAKOÓ MUNGÚ iwa oó', ‹Qaytsiít, wakusmoowók ngu qaás gawaá dabaawók.› Adoodá' ta sla' baraá muunaáwoge ti tlehh.» Daudi iri tseegiís ay amór alaá Saulo, pasltá inqwaarír Saulo gari tsaát.

1 SAMUELI 25:29

Barnaxes muu naa ti'iít oo slafiingók gu qwaareesár wa slaá', AAKOÓ MUNGÚ, Munguúwók, slafiingók gun xún dinkwa nee kudá' slafa'a, ala slafíngw wakuuseerók gun kwaahh amór saáwí ale, adoodá' hee tlaa/ano ngur tsaxaari ar kukumaayi.