2 SAMUELI 4:4 - Biblía Axweesantá Hhohho' ar Mungú 2004

⁴ Yonatan garmoó Saulo, na/oó garma gu kón oo ya'aawós naa sol'omitiye'. Na/aywí ku bay Mefibosheti. Kureriwós a kooán qoomár kángw gwa'arár Saulo nee Yonatan kawa axaás baraá Yesre'eliro. Qoomaarihe umtuso'ór na/aywí ngiwa axás adór Saulo nee Yonatan kira tsuú/ amoodár Yesre'eliro, Mefibosheti guri taatáhh, guri ar góp. Ala qoomár iwa ti'ii'iin ar gaanslaay, na/aywí guri sláx, ya'aá na/aywí niri sol'omiitiyé'.

2 SAMUELI 4:4 Iomraidhean Croise

2 SAMUELI 21:7

Ala waawutmo Mefibosheti, garmoó Yonatan guri tuú/ asma lo'oodá' Daudi nee Yonatan garmoó Saulo taa /aáy as mulqi'iima. Inooínaaká' tsaraawo lo'oorí ngina /ayiyé' ar umuú AAKOÓ MUNGÚ.

2 SAMUELI 9:13

Mefibosheti kooaáng ya'aawós tsaraawo naa sol'omiitiye', iri hoót baraá gixsár Yerusalemu wa ale, nee inós nee waawutmo tan al/ayín daqisleém.

2 SAMUELI 9:3

Waawutmo guri yaahaás, «Xáy, heé aa meet i deéro baraá xwaylár Saulowo? Bir deer geera a slaá' nguwa hhoeemaá Mungú i tleehh.» Siba guri mu/aywaáts, «Garmoó Yonatan i deer, ala inós aa sol'omiít ya'a' tsaraawo.»

2 SAMUELI 9:6

Naagáy, Mefibosheti garmoó Yonatan, nángw naangoó Saulo, iri amór waawutmo Daudi káy. Mefibosheti iri qaát ar gura' dír geeraá waawutmo Daudi, guri i tumbarara'aát. Daudi guri ateét, «Mefiboshéti.» Inós iri ooín, «Oóy! Anuú lawaalmoowók a diirí.»

1 WAAWITÁ 11:17

Ala Hadadi, qoomaadae a garmoó niiná, iri /akuút ay yaamaá Misri dinkwa nee sagadiyuusér doó baabuúwós tidár múk Edomu.

1 QOM'I 8:34

Garmoó Yonatan a Merib-ba'ali, nee Merib-ba'ali ina laqwaál Mika.

1 QOM'I 9:40

Yonatan ina laqwaál Merib-ba'ali, Merib-ba'ali ina laqwaál Mika.

1 SAMUELI 29:1

Múk Filisti slaqwaruuse kana burumbuúr dír ta bay Afeki, nee múk Israeli xafay'ín guna tleéhh afaá xatsoodaá kutloó koomá' awa yaamaá Yesre'eli.

1 SAMUELI 29:11

Looaytleérose, Daudi nee mukose tana tláy matlaatlér boo/e, tari kií/ amór yaamaá Filisti. Ala múk Filisti tana tláy ay yaamaá Yesre'eli.