2 SAMUELI 4:11 - Biblía Axweesantá Hhohho' ar Mungú 2004

¹¹ Xáy, hamí heé tlaákw bar heé gan'amuú koóm ngwa gaás gawaá qatnírí ale dír do'ós, xáy, i gana'káhe dír'eene marmaárí ngiwa buu'. Asma tseere gaa ku'uús as heedaadá' nguwa gaás, guri hingeés baraá yaamuwo.»

2 SAMUELI 4:11 Iomraidhean Croise

IIMU/UUNGW 4:11

Hám daxta kuúng taa lu'ús baraá yaamuwo, kudá' tseerér hhiyaawók ngaa ilaoohiye' ar taa ku'ús ar dakók.

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

IIMU/UUNGW 7:23

AAKOÓ MUNGÚ umuúqo gár slafa daanduú yaamuwo gana adoorír hhaamiís, muu, nee makaay, nee muruú gur'eérár hi'iimita, nee tsir/o sleémeero, gina hhaamiís gawaá daanduú yaamuwo. Ala Noa kilós iri meét, nee kudá' nee inós dinkwa baraá miringamoowo.

2 SAMUELI 16:8

AAKOÓ MUNGÚ kuúng ugwa li/áy buú', as tseerduudá' taa ku'umaamís awa múk doó Saulo, kudaádá' hamí kuúng taa waawuti'iima ót. Hamí, AAKOÓ MUNGÚ waawuti'iima gaa haniís dír Absalomu, garmaawók. Qaytsiít kuúng tu hhaamiis, asma kuúng a tsu/uutusmo.»

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

2 SAMUELI 3:39

Hám aníng iga mak iimbalaxé' ar di/i as tawa waawutmo, ala laarí aníng aga heé liitlaákw tleehhiít. Ala daaqaywú Seruya a múk aa harwaaraahh saga gawduwo dir'eene. Tlakuuseerí AAKOÓ MUNGÚ ngi slahhi ar adoodár hariímár tlakweemaaín i dirii'iya'.»

1 WAAWITÁ 2:32

Aakoó Mungú tseerduudá' Yoabu aa ku'umamiís gin ki/is gawaawósuú kilá', asma inós múk tsár oo gan'amuú koóm nee oo hhó' ta inose guna muúx guri tsuú/ ar paánga, ala baabuúeé' Daudi kangwdá' gu xuiiká. Mukwí aa tsuú/ a Abneri garmoó Neri, geeraharusmoó slaqwaruusér Israeli, nee Amasa garmoó Yeterí, geeraharusmoó slaqwaruusér Yuda.

WARA'AMI 109:15

AAKOÓ MUNGÚ tlakweemaaín ngi inslaslay umuú daqto, ala inooíná kilá' ki gunqareesi baraá yaamuwo.

WARA'AMI 9:12

Asma Munguúduú li/oó tseerér liitlakuuse ga bu'uúm, inooín gi inslasláy. /Aa/eeín gi gunqaaresiiká.

TI'INAANGW 21:12

«Heé kuqá' gwa muux iri gwaá', inós sleeme aqo kun gaas.

TI'INAANGW 9:15

Asma ay hamí geeraawo dakw'eé' una qaroó tleés, kuúng nee mukoge nuri hhaamiís ar pu/i baraá yaamuwo.

AXWEESANOÓ SAGALOOA 2:22

Ala múk tlákw ku kwaahh baraá yaamuwo, nee al/aymuuse ka hingees baraakae.

AXWEESANOÓ SAGALOOA 25:26

Heé hota ganaá' bira ya/án tlakweema tlehhtuuwo, a adór kutltá ta kala/an nee a adór ma'aá ta /eeragaás.

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

HABAKUKI 1:4

Gawaá adoorihe dabe kaa waaslaá', nee sakwasleemár ganaa' i káhh, asma múk tlákw múk hota ganaá' guna /amaatseék. Gawaá adoorihe tam sakwasleemár ganaa' barka tleéhh, kan isa geeqáy.»

1 Yohana 3:12

Atén mawa adór Kaini tleehhitaán. Inós bartá kudá' tlaákw gana áy, hhiyaawós guri gaás. Kaini hhiyaawós gár ngusa gaás a milá? Gár ngusa gaás a tlehhemi'iiwós kin tlakw, ala awa hhiyaawós in ganaaiyá'.