2 SAMUELI 3:8 - Biblía Axweesantá Hhohho' ar Mungú 2004

⁸ Abneri ina kángw kilá' wa buúhh as axweesantá Ishbosheti, iri oó', «Xáy ka xu', aníng Saulo u sakí/a? Xáy ka xu', aníng múk Yuda un sagadiyuúsa? Qayteek, aníng ilaiwa/ame ana tleéhh bartá múk Saulo wa ale, baabuúwók, nee hhaeewós nee mulqerose. Slám kuúng ugwa haniisiiká dabaá Daudií alé ay laarí. Tam adoorihe, laarí án kuúng iwa ga/eer a tlakusmo as /ameeni.

2 SAMUELI 3:8 Iomraidhean Croise

2 SAMUELI 16:9

Kár Abishai garmoó Seruya, waawutmo guri báy, «Aakooeé' waawutámo, a gár milá kuúng tuwa lu'umisi nee seeoó aa gwaa'? Áx, ya/aám, aníng a amoorós káw, sagós ngu tsaát.»

2 SAMUELI 2:8

Abneri garmoó Neri, geeraharusmoó slawtá slaqwara ar Saulo, Ishbosheti garmoó Saulo guna leéhh, guri huúw ay Mahanaimu.

2 SAMUELI 3:18

Hamí kangwsíng huware' amór tsee/aá /awaákií ale. Asma AAKOÓ MUNGÚ Daudi ngwaa al'axweesantí báy, iwa kaahi, ‹Ar dákw sagadiyusmoeé' Daudiwo muk'eé' oo Israeli u tuú/ dír múk Filistiro, nee dír wakuuser'ín ar hatlae.› »

2 SAMUELI 3:9

Mungú aníng miwa gáwtí geexáy bar tidá' sleémeero aa dír Daudi bara boo/eesiiká,

2 SAMUELI 5:2

Qoomaadá' aa waarahhi waawutmoorén tawa Saulo, kuúng múk Israeli una geerahát baraá slaqwaraaro, nee AAKOÓ MUNGÚ una báy, ‹Kuúng a de'eemusmoó muk'eé' oo Israeli, nee tari geeraharusmoó múk Israeli.› »

2 SAMUELI 9:8

Mefibosheti iri tumbarara'aát iri oó', «Aníng a slaqás nee seeoó aa gwaa', asma milá mis adoorír sagedaawimít?»

2 WAAWITÁ 8:13

Hasaeli iri oó', «Anuú sagadiyusmoowók oo adór seeoó tawo oo /uuruú koomaaká, muruusíng urén adór ngur tleehh a adoomá?» Elisha guri mu/aywaáts, «AAKOÓ MUNGÚ ngaa laqán kuúng tu waawutmoó múk Aramu wa qaas.»

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

ISAYA 37:23

Ala kuúng heé taa niqiín kuri /ooslisliín a heemá? Heedaá heemá taa daanda axwés, heedá' taa niqiín kuri biibisiín a heemá? An aníng kudá' hhoohhoó' oo Israeli.

DABE 23:18

Bu'utuú tsaatu'uuma oo taa sleér as seeu'uumár fuqi mu huwaar amór doó AAKOÓ MUNGÚ, Munguúhúng as al'axweesani kawa boo/es. Asma AAKOÓ MUNGÚ, Munguúhúng, muruuwí tsaraawo gu waak.

1 SAMUELI 15:28

Samueli guri báy, «Laarí AAKOÓ MUNGÚ waawuti'iimarók dír múk Israeliro gaa feehhamiís, gari haniís dír inslaawmoowók, kudá' hhoó' ta kuunge.

1 SAMUELI 17:43

Heewuú Filisti Daudi guri báy, «Ahaá hhartisíng ta koon ar milá? Kawa xu' aníng a seeáywo niwa amor'eé' keer ar hhara.» Heewuú Filisti, Daudi guri lu'ús ar umuú munguaá múk Filisti.