2 SAMUELI 3:31 - Biblía Axweesantá Hhohho' ar Mungú 2004

³¹ Waawutmo Daudi Yoabu nee mukdá' sleémeero dinkwaárií diriiá', giri ádbáy, tlabaaín kiwa feehhamiisi, tlabaá guniyadu kiwa tsiiti, ta tsuunqumiisi as gwa'arár Abneri. Qoomár kuwa foolár ay, waawutmo ina alaá tuuaadá' wa eeharín.

2 SAMUELI 3:31 Iomraidhean Croise

IIMU/UUNGW 37:29

Reubeni iwa kií/ amór hhalaangw, laatí Yosefu i kaahh baraá hhalaango. Inós tlabaawós giri feehhamiís as gurhaami.

IIMU/UUNGW 37:34

Yakobo tlabaawós giri feehhamiís, guniyadu giri tsiít, iri tsuunqumiís, garmaawós kudá' guri al/aa/amín deelór yaariire.

2 SAMUELI 1:11

Daudi tlabaawós giri óh, giri feehhamiís. Mukdá' nee inós dinkwa tlabaaín sleeme ngiri feehhamisiyé'.

2 SAMUELI 1:2

Bál tám iwa xeér, heeko wák oo amoodár kitángw slaqwaruusér Saulo i dirií', ina hardáh dír Daudi. Iri tumbarara'aát geeraá Daudi, guri xirfayeemiís. Heewí tlabaawós kinga feehhamamiís, nee sagós i teerír kón.

1 WAAWITÁ 20:31

Sagadiyuuseerós guri beér, «Atén aga axaasaán adór waawituú múk Israeli ir gurtleemuú kón. Gimáy atén ti pa/aángwí hanis oo guniyadu kiwa siinootaan, nee hhutleemi kiwa tseegaan gawaá isoorén, daqaní atén waawutmoó Israeli un i daqawán, doóqa daqaní kuúng a tu/út.»

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

2 WAAWITÁ 19:1

Qoomár waawutmo Hesekia tí ngiwa axaás, tlabaawós gina feehhamiís, nee guniyadu giri tsiít, iri dáh baraá doó AAKOÓ MUNGÚ.

2 WAAWITÁ 19:2

Inós Eliakimu guna ya/aáw, hedaáduú úr oo doó waawutmo, nee Shebna kuduú goousmo, nee kaahamuusér Mungú tidá' aa diimaadiin. Inooín tlabaá guniyadu ngina tsiitiyé', nay amór aarusmo Isaya garmoó Amos kayé',

Luka 7:14

Yesu iri tseewúy, xaaiidá' kingir gagarin giri kwatiít, mukdaádá' ga loohiís tari sihhiít. Iri oó', «Gárma, án a kah, kuúng tlawáng.»

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»

HAR'OHUUSE 11:35

Yefta ngiwa ár dasiirós nguwa al'eér, tlabaawós gina feehhamiís iwa kaahi, «Dasir'eé', iga gurtlés nee iga slahh'amuú yaariír ar eér, asma aníng lo'o aga /aáy dír AAKOÓ MUNGÚ, slám lo'oorí amohhu'uumaro a aleeslawaaká.»