2 SAMUELI 24:7 - Biblía Axweesantá Hhohho' ar Mungú 2004

⁷ Tari hardáh ay dír koo/ír gawit ar gixsár Tiro, tari dáh baraá gixsadu sleémeero awa xoorór Hifi, nee awa xoorór Kana'ani. Tari tláy ay Negebu yaamaá Yuda amór Be'er-sheba.

2 SAMUELI 24:7 Iomraidhean Croise

2 SAMUELI 24:2

Waawutmo Yoabu dinkwa nee geeraharuusér hatlá' ar slaqwara giri báy, «Tlawsé' amór tlahh'aá Israeli sleémeero iimír Danír wa tleemu ay Be'er-sheba, muu faarare' as aníng masók faaror'ín an xuú'.»

2 SAMUELI 24:8

Alaá slahheeraá gwaleél nee deelór mibeeraá tsare, yaamu sleémeero kinga aldáh, tari kií/ ay Yerusalemu.

SEKARIA 9:3

Múk gixsár Tiro koo/ír gawít ngina tleehhiyé', peésa ngina burumbuuriyé' adór ufuú hhape, sahaábu nguna burumbuuriyé' adór xwaansloó baraá loohi.

YOSHUA 11:3

Inós sleeme afo gari ya/aáw amór waawituú Kana'ani, kuduú bihhe tsaraawo, da/aáw nee /uwaawo, oo Amori, nee oo amór múk Hiti, nee oo múk Perisi nee oo múk Yebusi kudaá gawaá gongoama', nee amór múk Hifi, kudá' hoót bihhaá baraay awa tloomár Hermoni amór yaamaá Mispa.

YOSHUA 19:28

ay Ebroni ay Rehobu ay Hamoni ay Kana, iri hardáh ay gixsadá' ur ar Sidoni.

YOSHUA 19:29

Diirihe digma iri warqáy iri Ramár xuú' iri ti'iít ay gixsár Tiro, tidá' taa tleéhh ar koo/ír gawit. Naagáy diirihe digma iri Hosár xuú', iri dáh baraá Tlawtá Tla/aangw. Gixsadaá hatlá' awa taa haraaóh a gixsár Maharabu nee Aksibu,

YOSHUA 9:1

Baalír xoorór Israeli kawa axaás, waawitá sleémeero oo yaaér Yordaniro gayuú /uwí dirií', nee oo yaamaá gongoama', nee oo baraá xatsoowo, nee kuduú afaá tlawtá Mediteraneárí tseewá' amór yaamaá Lebanoni, oo múk Hiti, nee oo múk Amori nee oo Kana'ani, nee oo Perisi, nee oo Hifi nee oo Yebusiro,

YOSHUA 9:7

Aluuwo múk Israeli iri oó' dír múk Hifi, «Atén nee kuungá' gár al'axwesantá wayda kas alkaahaan a milá? Hám wané kuungá' tundu yaameerí tseéw.»

HAR'OHUUSE 3:3

Xoorduudá' taa máy an kuká': Ayeemaá kooán awa waawituú Filisti nee múk Kana'ani sleémeero, nee múk Sidoni, nee múk Hifi, kudá' baraá tlom'aá Lebanonír hootá', iimír tloomár Ba'al-hermonír wa tleemu ay Lebo-hamati.