2 SAMUELI 24:25 - Biblía Axweesantá Hhohho' ar Mungú 2004

²⁵ Daudi AAKOÓ MUNGÚ guri kitángw ilahhooárií tleéhh didár afeenidár balaangw muxta. Ilahhooár da/a gari haniís, nee ilahhooár wayduwo. Naagáy AAKOÓ MUNGÚ firoorí gari ya/án as yaamu, nee oohaseeyidár tiqtír pu/i ar múk Israeli gwa ot, gari har'óh.

2 SAMUELI 24:25 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 22:9

Tawa hardáh didá' Mungú aa oó', Abrahamu kitángw ilahhooa guri tleéhh. Migír guri hhaáf gawaá kitangwdá', garmaawós Isaka guri tseék ar hima, guri qaatiís gawaá daanduú migíruudá'.

IIMU/UUNGW 8:20

Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

2 SAMUELI 21:14

Aluuwo Daudi nee mukós fadaá Saulo nee garmaawós Yonatan kina foól baraá yaamaá Benyamini, amór Sela, baraá /aantár Kishi baabuú Saulo. Umuuqo gár waawutmo aa ooi kana tleéhh. Alaá kaangwihe, Mungú firór kángw yaamuuín gari iiári qaás.

2 SAMUELI 24:14

Daudi iri oó' dír Gadi, «Hhaslór yaariir iga eér! Ala a tsiní tiwa slahhi nee AAKOÓ MUNGÚ, ta tiwa qaasi baraá dabaá muu, asma AAKOÓ MUNGÚ i gurtleemuú kón.»

1 WAAWITÁ 1:1

Qoomár waawutmo Daudi iwa diimay hhe'eés, sagadiyuseerós guna uuntsús ar burungeéti, ala tam kwa uuntsuusi axwnáy gwaa slayká.

ESEKIELI 16:42

Daqaní muner'eé' aga daanduuwók i faák, da/tadá' daanduuwoge ni koom aga faák, niri xasliít niri malé buhhaaká daanduuwoge.

FAARO 17:13

Umuúqo heé heémár AAKOÓ MUNGÚ gaa i tseewuyi aqo in gwaa'. Xáy a hhaamána sleémeero?»

HAR'OHUUSE 21:4

Matlaatlér boo/e muu ina tseewa tláy, kitángw ilahhooa kuri tleéhh, ilahhooár da/a nee ar wayda ngiri haniisiyé'.

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.

1 SAMUELI 13:9

Saulo iri oó', «Axáy ilahhooadár da/a huwaare' nee tidár wayduwo.» Ilahhooadár da/a gari haniís.

1 SAMUELI 14:35

Saulo kitángw ilahhooár AAKOÓ MUNGÚ ngiwa haniisi guna tleéhh ar tlaa/e, kitaangwí oo geera, oo aa tleéhh as AAKOÓ MUNGÚ.

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.

1 SAMUELI 7:9

Samueli deelmoó bee/i oo qaá' guri óh, guri haniís dír AAKOÓ MUNGÚ as ilahhooa, kuri daá/ adoodá' al'alé. Samueli iri /aa/amín dír AAKOÓ MUNGÚ as múk Israeli, AAKOÓ MUNGÚ iri axaás.