2 SAMUELI 24:21 - Biblía Axweesantá Hhohho' ar Mungú 2004

²¹ Arauna waawutmo guri yaahaás, «Asma waáy, kuúng aakooeé' waawutámo, gár nisa amór anuú sagadiyuusmoowók keér?» Daudi guri mu/aywaáts, «Nina daqáw as afeenirók tidár balaangw muxta ngiwa tlaaxw, as kitángw ilahhooa hanmis oo AAKOÓ MUNGÚ nguwa tleehh, as tiqtirí tlaakw ar pu/i muu gwa uhiin, iwa buuru'us.»

2 SAMUELI 24:21 Iomraidhean Croise

IIMU/UUNGW 50:10

Tay hardáh dír balaangw kuwa haritlemaamisi, didár gayuú yaaér Yordani. Tari amoodá' wa tsuunqumiís ar tsuunqusmoó xoorór boo/. Yosefu iri tsuunqumiís as baabuúwós amoodá' wa alé deelo faanqwe.

2 SAMUELI 24:18

Baalaarihe Gadi ina daqáy amór Daudi, guri báy, «Gawa i waatlaweek AAKOÓ MUNGÚ kitángw ilahhooa ti tlehh, baraá afeenidár balaangw muxtaa ar Arauna oo Yebusi.»

2 SAMUELI 24:20

Arauna iwa baráy qaytsiít naxés waawutmo guna ár, nee sagadiyuuseerose, naa dirósi nakaá/. Inós ina ti'iít, iri daqáy amór waawutmo, guri i tumbarara'aát, iri xupuú' ay yaamu.

2 SAMUELI 24:3

Ala Yoabu waawutmo guri báy, «AAKOÓ MUNGÚ, Munguúwók, múk Israeli ngu doogi adoorí ba/a sagaáwa tsiiru. Kuúng aakooeé' waawutámo, ilawók wa kilae areek adór faarorí ira doogiín. Ala asma waáy, aakooeé' waawútmo, kaangwí mus slá'?»

1 QOM'I 21:22

Daudi iri oó' dír Ornani, «Dirók tír balaangw muxta aníng i weerisang as ngiwa kitángw ilahhooár AAKOÓ MUNGÚ i tleehh, as tiqtiirír pu/i iwa tsauur. Aníng a tlaáxw ar hariímár kuúng ni o'.»

WARA'AMI 106:30

Ala Finehasi ina sihhiít, muu nee Mungú giri haraki/ís, Mungú tiqtidá' gari hingeés.

FAARO 25:8

nee heé aáng oo Israeli guri aluúwaá eehár ay baraá heéma, tsaraawo giri gur'e dinkwárí muút ar lawaala, hhawaatuduú Israeli nee /ameenidae. Tiqtidár pu/i ar múk Israeli gwa hhaamiis iri fák.