2 SAMUELI 24:19 - Biblía Axweesantá Hhohho' ar Mungú 2004

¹⁹ Naagáy, Daudi iri waatláy gawa, ar adoodá' Gadi kura ádbáy nee AAKOÓ MUNGÚ.

2 SAMUELI 24:19 Iomraidhean Croise

IIMU/UUNGW 6:22

Noa adoodá' sleémeero kwaa báy nee AAKOÓ MUNGÚ gana tleéhh.

2 SAMUELI 24:18

Baalaarihe Gadi ina daqáy amór Daudi, guri báy, «Gawa i waatlaweek AAKOÓ MUNGÚ kitángw ilahhooa ti tlehh, baraá afeenidár balaangw muxtaa ar Arauna oo Yebusi.»

2 SAMUELI 24:20

Arauna iwa baráy qaytsiít naxés waawutmo guna ár, nee sagadiyuuseerose, naa dirósi nakaá/. Inós ina ti'iít, iri daqáy amór waawutmo, guri i tumbarara'aát, iri xupuú' ay yaamu.

1 QOM'I 21:19

Naagáy Daudi adoodá' Gadi aa oó' ar umuú AAKOÓ MUNGÚ gari eehár.

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.