2 SAMUELI 24:17 - Biblía Axweesantá Hhohho' ar Mungú 2004

¹⁷ Daudi malaykamoodá' múk tsuú/ nguwa ár, AAKOÓ MUNGÚ guri báy, «Qaytsiít aníng an tlakusmo! Anuú kilá' ana dakuús! Aníng aga dakuús! Mukwí tsaén aa gaa dakusiiká. Án kuúng u harhheehhe'eés kángw kilae, aníng na muxáng, nee múk guruú doó baabuúeene.»

2 SAMUELI 24:17 Iomraidhean Croise

IIMU/UUNGW 18:23

Abrahamu iri amoorós i tseewúy, iri oó', «Xáy, heé hota ganaá' nee heé tlakusmo in al qwaarésa?

IIMU/UUNGW 44:33

Gím daxta án kuúng u harhheehhe'eés, án mawáng ni hoót diirí wa alé, garmaawí geemaweek ti kone' nee hhaeewós.

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

2 SAMUELI 24:10

Alaá Daudi muu faaroro nguwa hhe'eés iri slahhaá' baraá muunaáwose. Gawaá adoorihe, Daudi iri oó' dír AAKOÓ MUNGÚ, «Ar tlehhmuuwí naa tleehhi, tlakwemaá ur iga tleéhh. Ala hamí AAKOÓ MUNGÚ, án kuúng u harhheehhe'eés, aníng gurtlawáng, anuú sagadiyusmoowók daktu'uuma aga tleéhh.»

2 SAMUELI 7:8

«Gawaá adoorihe sagadiyusmooeé' Daudi baweek, AAKOÓ MUNGÚ Aleesleemusmo i kaahi, ‹Una leéhh baraá qawtantá bee/aangw tawa de'een, as uwa uráy haniis daanduú muk'eé' oo Israeliwo.

1 WAAWITÁ 22:17

Mikaya iri oó', «Múk Israeli sleémeero ugwa ár aa diya/aát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, umuú heewo i watli amór do'ós ar wayda.› »

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

YOBU 7:20

Barnaxes aníng tlakweema iga tleéhh, kuúnguú ga/aawusmoó muu gár u diits i deéro? Ahaá aníng misa tléhh, tawa adór gaangeeirók ar ta duqus? Baré aníng aga huwa tleehhiít diroge.

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

WARA'AMI 44:11

Atén tina meér tawa adór bee/ángw ta tsu/utár ay. Tiri diyayaá/ baraá xoordaá hatlá'.

WARA'AMI 74:1

Aakoó Mungú, asma waáy, atén mista sí' ay alhhe'eesáy wasle? Ahaá, buhhtaawók mis xaraasliyá' dír bee/ángw qawtantoge?

WARA'AMI 78:71

Guna hingeés baraá de'éngw bee/aangw nee deeloó bee/ángw wa ale, as mukós Yakobo nguwa de'en, kuduú Israeli oo aalirós.

TI'INAANGW 10:16

Aluuwo Farao Mose nee Aroni giri gaanslár ateét giri báy, «AAKOÓ MUNGÚ Munguúhúng ugwa tlakweemáy tleéhh nee kuungae.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

YONA 1:12

Inós giri báy, «Aníng na oohare', kwahhaaré' baraá tlawi, as tlawi iwa xaslit, asma aníng a xuú' adór bambaaorí nusa sleér tar aníng.»

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»