2 SAMUELI 24:16 - Biblía Axweesantá Hhohho' ar Mungú 2004

¹⁶ Ala qoomár malaykamo dakós nguwa tleés amór gixsár Yerusalemúrí ale, as ngiwa hhaamisi, AAKOÓ MUNGÚ inslawaywós guna warqeés, malaykamoodá' múk tsuú/ guri báy, «A ido daxta.» Dakók har'ooheek. Qoomaadae malaykamoó AAKOÓ MUNGÚ aa sihhiít dír bihhaá afeenír balaangw muxta ar Arauna heé Yebusi.

2 SAMUELI 24:16 Iomraidhean Croise

IIMU/UUNGW 10:16

Kana'ani sleeme a baabuú múk Yebusi, nee Amori, nee Girgashi,

IIMU/UUNGW 6:6

AAKOÓ MUNGÚ iri oó', «Gár hám hee ngusa tleéhh nguri qaás baraá yaamií alé.» Ina ló'wa gurhamuút baraá muunaáwose, iri oó', «Masók una tleehhiiká.»

2 SAMUELI 24:18

Baalaarihe Gadi ina daqáy amór Daudi, guri báy, «Gawa i waatlaweek AAKOÓ MUNGÚ kitángw ilahhooa ti tlehh, baraá afeenidár balaangw muxtaa ar Arauna oo Yebusi.»

2 SAMUELI 5:8

Baalaadae Daudi iri oó', «Umuúqo heewo oo múk Yebusi gu tsu/utár áw, i maamaahhati ar baraá digeemikaá ma'aay, as taqooray nee taampu kiwa haraadahi tsu/taro, kuká' muunaáeene ni sla'aaká.» Gawaá adoorihe gaarí an gár muu tas aain, «Taampu nee taqooray ta dahiiká baraá do'o.»

1 WAAWITÁ 19:4

Eliya iri kumiít aaiiwo looa gari dahaás. Inós iri hardáh dír xa'anoó ta bay retemu, iri iwiít dír gamuú xa'anoodá', inós gwa'ara gari fitlín, iri oó', «A ido daxta aá AAKOÓ MUNGÚ, slafingw'eé' hingeeseek, asma án gár baabi'iieé' ngir baa/ i káhh.»

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

1 QOM'I 1:14

nee xoorór Yebusi, nee ar Amori, nee ar Girgashi,

2 QOM'I 3:1

Waawutmo Solomon Doó AAKOÓ MUNGÚ guri iimu/ún tlehhtuwo baraá Yerusalemu, gawaá tloomár Moria didá' AAKOÓ MUNGÚ tiwa dír Daudi geehhooeés. Diirí an afeenidár balaangw muxta ar Ornani heé Yebusi, tidá' Daudi aa tsawaár.

2 QOM'I 32:21

AAKOÓ MUNGÚ malaykamoowós guri ya/aáw, slaqwaruuseedár miguuse ar waawutmo Senakeribu, nee geeraharuuseero giri tsuú/, kudá' baraá xafáy diriiá'. Waawutmo iri waátl ayaawós i alé ar mure. Qoomár iwa dáh baraá doó munguúwós, kuri gaás nee daaqaywós oo kilá' ar paánga.

WARA'AMI 135:14

Asma AAKOÓ MUNGÚ mukós gu aleekalaa/, sagadiyuuseerós ga gurtláy.

WARA'AMI 35:6

Loohir'ín i gip nee i ninkiritsimitiye', malaykamoó AAKOÓ MUNGÚ ngi alkon.

WARA'AMI 78:38

Tam adoorihe inós tawa kuduú gurtleemuú koóm, tlakweemaaín gina gurtláy nee inooín gaa hhaamisiiká. Ki/imaá yaariire mune gana gu/ún buhhtaawós gina ila/án.

WARA'AMI 90:13

AAKOÓ MUNGÚ, buhhtaawók i kumaamitir ay xaylá? Ki/áng sagadiyuuseerók gurtlaweek.

TI'INAANGW 12:13

Tseereedá' an layár maraá kuungá' ti diria' ngi laqaam, aníng bar tseere aga sa ár kuungá' nun waawaraáhh as tsu/uta nuwa sleeraaká, qoomár bar tsu/uút baraá yaamaá Misrír wa ale.

TI'INAANGW 12:23

Asma AAKOÓ MUNGÚ in waaraahh as na/aá baris awa múk Misri ngiwa tsu/i. Ala AAKOÓ MUNGÚ barnaxes tseerér taa slikín gawaá maandár do' nee gawaá nahhtá do' badu tsaraawo gaa ár, daqaní AAKOÓ MUNGÚ maraydá' gin waawaaraahh, tsu/utusmoodá' gu geemayká baraá marayhúngí ale.

TI'INAANGW 32:14

AAKOÓ MUNGÚ inslawaywós kudá' tlákw guri máy, kudá' geeraawo i tleehhamór wa slai dír mukós.

TI'INAANGW 9:28

AAKOÓ MUNGÚ firiimare', kwarara/aarí nee tluwaywuú tlaa/eewo oo AAKOÓ MUNGÚ a ido daxta. Aníng nu geemáw, ma baraakaá wa male hootara'.»

ISAYA 27:8

Ina muúx ar adór qoom kiri loohatís, qoomár fur'ár bambaao ar da/aá daahh, giri hingeés ar slahhtá xaraasl.

ISAYA 57:16

Aníng a kumitaaká muk'eé' lu'umisuuwo sleeme nu i buhhaaká daqisleém, asma geeraawo qeereemaaká' naa tleéhh, kuká' naa slafíngwí haniís i dír geeraaeéní nusqumiitiyá'.

YEREMIA 26:19

Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

YEREMIA 42:10

‹Barnaxes kuungá' a metá' baraá yaamuuká', daqaní án kuungá' nu tleemaír i haniís, nu qwaareesaaká, nu male harma/atís, nu tu/aaká. Asma aníng inslaway'eé' u warqeés daanduú amotlakweedá' naa kuungá' i tleehhi.›

AMOS 7:3

Aakoó MUNGÚ guruuwós iri tláy, iri oó', «Adoorí i tleehharutká.»

AMOS 7:6

AAKOÓ MUNGÚ guruuwós iri tláy, iri oó', «Tí sleeme i tleehharutká.»

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

SEKARIA 9:7

Aníng fu'unaydaá tseerdaá koomá' in gawaá afer'ín wa hingeés, nee muruú /aymaadá' ta waki un hingeés gawaá sihhnaaine. Panaydá' aa meet tari oo Munguúrén, inooín tari adór múk guruú doó wák baraá tlahhoó Yudawo, nee múk Ekroni tari adór múk Yebusi.

Marko 14:41

Niwa sagaáwa tám wa kií/, giri báy, «A kumitá'a gu'uteero asma tawa hungu/usa'? A ido. Qoomaadá' aa xeér. Ga/aawaagáy, Garmoó Hee ku qaas gawaá dabaá múk tlakuuse.

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

1 Korinto 10:10

Slám kuungá' ma qununu/aara' adór inooín bahh'alé nira qununu/iyé', kiri hhaamiís nee Hhitusmo.

2 korinto 2:6

Ala heedá' gurhaami ngaa huuw, sakwasleemár aa sláy aa bu'út daxta, asma múk yaariír dirhunge inós gwa sakwasleemuút.

YOSHUA 15:63

Ala múk Yuda múk Yebusi ngwa aleeslay'iiká tlatlahhasaro. Mukuú Yebusi aáng an yaamuloouusér Yerusalemu. Ala tam ay laarí mukuú Yebusi nee múk Yuda tan alhoot.

HAR'OHUUSE 1:21

Ala múk Benyamini múk Yebusi kudá' baraá gixsár Yerusalemúr hoót ngwaa gusi'iiká. Múk Yebusi nee múk Benyamini tana alhotaatín Yerusalemúr wa ale tam ay laarí.

HAR'OHUUSE 19:11

Qoomár tawa nakaá/ Yebusi, naxés looa i darát, sagadiyusmoodá' aako guri báy, «Na'ás a deelaán baraá gixsár múk Yebusi.»

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.