2 SAMUELI 24:14 - Biblía Axweesantá Hhohho' ar Mungú 2004

¹⁴ Daudi iri oó' dír Gadi, «Hhaslór yaariir iga eér! Ala a tsiní tiwa slahhi nee AAKOÓ MUNGÚ, ta tiwa qaasi baraá dabaá muu, asma AAKOÓ MUNGÚ i gurtleemuú kón.»

2 SAMUELI 24:14 Iomraidhean Croise

2 SAMUELI 9:8

Mefibosheti iri tumbarara'aát iri oó', «Aníng a slaqás nee seeoó aa gwaa', asma milá mis adoorír sagedaawimít?»

2 WAAWITÁ 6:15

Sagadiyusmoó Elisha, heé Mungú, qatuuwo iwa tláy matlaatlér boo/e, iri ti'iít, naxés slaqwaruusér yaariir nee farsuwo, nee gaardaá ta uuruxun nee farsuwo, gina ár gixsadá' ngaa harweeriyé'. Iri baraá dó' i kií/, iri oó', «Tsaxwaarén aakooeé', hám daxta adór ta /iisaan a adoomá?»

1 QOM'I 21:13

Daudi Gadi guri báy, «Aníng hhaslór yaariir iga eér, a tsiní bar aga huú' gawaá dabaá AAKOÓ MUNGÚ, asma inós i gurtleemuú kón ta niwa huua gawaá dabaá hee.»

WARA'AMI 119:156

AAKOÓ MUNGÚ, gurtleemuuwók ku úr, ar sakwasleemarók tidá' ganaa'a án slafisáng.

WARA'AMI 130:4

Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

WARA'AMI 130:7

Israeli, kuúng AAKOÓ MUNGÚ na harahhifeek. Asma AAKOÓ MUNGÚ sla'aarír warqawaaká ga kón, nee deelo sleémeero muu gu ba/amisár wa slaa'.

WARA'AMI 145:9

AAKOÓ MUNGÚ ku hhoó' dír muu sleémeero. Nee gurtleemuwós i gawaá umuúqo gár aa tleehhi.

WARA'AMI 51:1

Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 86:5

Kuúng tu hhoó', Aáko, tu amohhoó' gurtleemuwo, nee sla'aarirók i warqeeraaká, dír kudá' sleémeero kuúng u ateetima'a.

AXWEESANOÓ SAGALOOA 12:10

Heé hotaawós ganaá'á tam slafíngw hikwaawós gun gár i xuu'. Ala gurtleemuú heé tlaákw a xarasleema.

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

YEREMIA 39:17

Ala baalaadá' birna xeér aníng kuúng un ba/amís, kuúng tu gaasiiká nee mukdá' kuúng ta da'ayuumit.

WA/AA/I 3:22

Sla'aarír warqawaaká ar AAKOÓ MUNGÚ i baloó fakká, gurtleemuuwós i baloó alhhe'eesoó konká.

DANIELI 9:9

Aakoó Munguúrén, kuúng guruuwók i tlatláy nee tlakweemá muu in gurtleér tam handá' atén aga dee/anutani.

YONA 4:2

Yona AAKOÓ MUNGÚ guri firín, guri báy, «Án kuúng u firiím, AAKOÓ MUNGÚ. Adoosíng a adoodá' aníng naa oóiíke qoomár niwa baraá yaamuueé' i dirii'? Adoosíng an gár nisa gaanslár ta'aaím baraá yaamaá Tarshishírí alé, asma aníng a xuú' kuúng a Munguú gurhhoó', slám a gurtleemuú koón. Kuúng buhhtaawo tu inslahheeká, ala aga háts sla'aarír warqawaakahe. Tam sakwasleemadá' taa ó' a ya/aán meemuwo.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

MIKA 7:19

Kuúng atén tin malé gurtleér, dakuúsarén kari yaamií kalá/, kuúng tlakweemaarén sleémeero in kwáhh baraá iltá tlawi.

SEKARIA 1:15

Ala aníng xoorduudaá baraá diihhooár hootá' ina buhhtisiyé'. Ar ló' aníng múk Israeli una i buúhh gár niinawe, ala xoordu slahh'maayedá' ngina doogiyé'.›

Yohana 12:27

«Muunaáeé' daxta aa amoqwaár. Aníng hám ma oó'? An oóa, ‹Baabá, án ba/amisáng baraá siiwarihe.› Ala adoorí a ooaaká, asma gaarí an gár siiwarí ngisa i hardáh.

Filipi 1:23

Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

1 SAMUELI 13:6

Múk Israeli ngiwa ár adór tar baraá slahh'amuú úr asma muu kwa /amatseek, tari nahhmiít baraá mar'o nee baraá boh'e, nee baraá tla/u, nee baraá /aantu, nee baraá hhaleeri.