2 SAMUELI 24:13 - Biblía Axweesantá Hhohho' ar Mungú 2004

¹³ Gadi iri daqáy amór Daudi, kaangwí guri ooár áy, guri báy, «Xáy, gár ta sla' a giyér kureeraá faanqw nin tleéra baraá yaamuuwoge? Laqaá kuúng wakuuseerók an ilagwaagóp slahheeraá tame, iwa kuúng slakaatiya'? Laqaá baraá yaamuuwoge tiqtír tlakw nin ti'ít ar pu/i deelo tám? Kaangwí alqaytsiteek, daqaní ngu mu/aywáts kángw ni ooár aw amór kudá' aníng iga ya/aaw.»

2 SAMUELI 24:13 Iomraidhean Croise

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

2 SAMUELI 24:12

«Tláw, kaangwí ooeek dír Daudi ku beer, ‹AAKOÓ MUNGÚ gár i kaahi a tí, muruú tám ngwa dirógií haniís, kuúng gár wák tsawaareek, daqaní aníng ngi tleéhh.› »

2 WAAWITÁ 8:1

Elisha aáng /ameenidár Shunemúr hoot, tidá' na/aywós aa waaslee/atís, gana báy, «Tláw kiíng nee múk do'oge, lóh baraá yaamaá hatlá' awa kiíng tawa dahaayo'o, asma AAKOÓ MUNGÚ giyér kureeraá faanqw ngi tlees baraá yaamuukae.»

1 QOM'I 21:12

Kureeraá tám awa qwari, laqaá slahheeraá tám awa tuwa slakaati nee wakuuseerók ar paánga, turi qororo'oos, laqaá deelo tám ar muxtár paángár AAKOÓ MUNGÚ ar tiqtír pu/i ngiwa huwi, nee malaykamoowós yaamu sleémeero awa Israeli ngiwa hhaamisi.› Daxta tsawdiím kudaádá' iga ya/aaw mu báw.»

WARA'AMI 91:6

tam pu/tidár baraá giwti, laqaá tidá' tlaatla/aango hhitiim.

TI'INAANGW 7:25

Deelo faanqw iri waaráhh alaá AAKOÓ MUNGÚ yaaér Nili ngiwa slaáhh.

ESEKIELI 14:13

«Heewí, barnaxes xoororka tlakweema gaa tléhh as inkihhimu wasle dir'eene, aníng dakw'eé' nguri tleés gawaaín i aleeró, as ngiwa sakwasleemuut. Muruú /aymar'ín kudá' na amohhe'esiyé' un hhaamiís nee ngiri giyeédií huúw. Muu nee makay'ine ngiri tsuú/,

TLAHHOÓ LAÁWI 26:20

/Uureemoohúng in tawo hhitiindá', asma qamuuhúng balaangw ngu hamareesiaaká, nee yaamuuhúng i mamaá laqwaliaaká.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

Luka 4:25

«Ala tí a ló' aáng qoomár Eliyawo kwaeeli ki yaariir baraá yaamaá Israeliwo, qoomaadá' tluwaay iwa qwaár kureeraá tám nee slahheeraá lahhoó', giyér ur ina tleér.

DABE 28:22

AAKOÓ MUNGÚ kuúng un slaahh ar hayaahaymó kaaharén nee ga/atani, nee um'i, nee ar tsee/amuú siiree/i, nee slahheemasi, nee bambaao, nee danuhe. Muruuwí sleémeero kuúng un sláy ay dír tay hhaan.

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

DABE 28:27

AAKOÓ MUNGÚ kuúng un slaahh ar um'iidaá múk Misri, nee ar inkahha'aá gur'e, nee tiqtír qulhháy, nee deei tidá' baloó hungu/aaká.

DABE 28:35

AAKOÓ MUNGÚ gurunge'eeriiwók nee ya'aawoge gin um'aá tlákw i kwaahh awa baloó hunguu/a'aaká, iimír tsa/a'aá ya'aá wa tleemu ay tan/ér saga.

DABE 28:52

Mukwí kuúng un harweer baraá gixsaduuwók sleémeerowo, ay dír koo/irók tidá' gawden, tidá' taa haraxu' i yaamií huuhu'uun umuú diiro baraá yaamuuwók, kudá' AAKOÓ MUNGÚ, Munguúwók naa haniisi.

1 SAMUELI 25:17

Hám daxta kiíng kaangwí na alqaytsiteek, nee adór tleehhamooro ta alesleer na tleehheek. Asma gár tlaakw kaa tsabín daanduú aakoó doorene nee daanduú doorene. Nabali a heé tlaákw, tam heé axweesantá dirós ga qiítl i kaahh.»