2 SAMUELI 24:10 - Biblía Axweesantá Hhohho' ar Mungú 2004

¹⁰ Alaá Daudi muu faaroro nguwa hhe'eés iri slahhaá' baraá muunaáwose. Gawaá adoorihe, Daudi iri oó' dír AAKOÓ MUNGÚ, «Ar tlehhmuuwí naa tleehhi, tlakwemaá ur iga tleéhh. Ala hamí AAKOÓ MUNGÚ, án kuúng u harhheehhe'eés, aníng gurtlawáng, anuú sagadiyusmoowók daktu'uuma aga tleéhh.»

2 SAMUELI 24:10 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

2 SAMUELI 24:17

Daudi malaykamoodá' múk tsuú/ nguwa ár, AAKOÓ MUNGÚ guri báy, «Qaytsiít aníng an tlakusmo! Anuú kilá' ana dakuús! Aníng aga dakuús! Mukwí tsaén aa gaa dakusiiká. Án kuúng u harhheehhe'eés kángw kilae, aníng na muxáng, nee múk guruú doó baabuúeene.»

1 WAAWITÁ 8:35

«Tluwaay bira tluwiiká as tlakweemaá naa kuúng i tleehhiyé', bar kuúng ugwa firiné' nee turi haratlintií', nee bar tlakweemaaín ngaa mayé' as kuúng kiwa naanáq,

1 QOM'I 21:7

Ala Mungú adoorí taa tleéhh gwaa sla'atiská, gawaá adoorihe múk Israeli gway muúx.

1 QOM'I 21:8

Daudi Mungú guri báy, «Aníng tlakweemaá ur iga tleéhh as adoorí ngiwa tleéhh, ala aníng kuúng u firiím, tlakweemaaeé' gurtlaweek, anuú sagadiyusmoowók, gár tlaakw aga tleéhh.»

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

2 QOM'I 32:26

Aluuwo waawutmo Hesekia tiri niinaweés, inós nee múk Yerusalemuro, daara/aangós kudá' gway máy. Gawaá adoorihe AAKOÓ MUNGÚ inooín gaa malé i buhhiiká deeloodá' sleémeero ar Hesekia iwa slafi.

YOBU 7:21

Ahaá baré dakuúsar'eé' a gurtlatleeraaká, nee tlakweemaaeé' mis hingeemamiská. Hamír kilae aníng ti qaatiis baraá /aanta, kuúng aníng iri leeléhh iri aandaaká.»

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

TI'INAANGW 10:16

Aluuwo Farao Mose nee Aroni giri gaanslár ateét giri báy, «AAKOÓ MUNGÚ Munguúhúng ugwa tlakweemáy tleéhh nee kuungae.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

FAARO 12:11

Aroni Mose guri bay, «Aá aakooeé', atén miti slahh'eesaar as kángw daktu'uuma nguwa tleehhaán nee tlakweemawo.

Marko 7:22

nee iwa tsaatusmo tleehhiti, nee iwa qahusmo tleehhiti, nee iwa muruú tlákw tlehhiiti, nee iwa al/agin, nee iwa heé mure wásl tleehhiti, nee iwa iltá tlaákw ar xumiisi, nee iwa daanduú heé kaantin, nee iwa daara/an nee iwa daktu'uuti.

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 8:9

Qoomár inooín /aymi'iidá' Yesu aa oó' kiwa axaás, muner'ín giri sakwasleemút. Tiri wakeetiné' ti'inango, bariise ina giiriín, sleémeero tay faakiís. Yesu kuna kilós geexáy, nee /ameenidá' i dír geeraawós wa sihhmít.

DABE 32:6

Aá daktána nee múk sage waslén, AAKOÓ MUNGÚ musa adoosír bué'? Inós a baabuúhungeekáhe, kudá' kuungá' naa tleehh, tleehharusmoohúng kudá' kuungá' naa gawdeesikáhe?

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

1 Yohana 1:9

Ala tlakweemaarén bira hhu'uu'umaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana.

1 SAMUELI 13:13

Samueli Saulo guri báy, «Adoosá naa tléhh ar barawaslaay, hara'ayár AAKOÓ MUNGÚ, Munguúwók aga otká kudá' ugwa hara'ayin, asma AAKOÓ MUNGÚ geera waawuti'iimarók ga gawdees gawaá daanduú múk Israeliro ay kureerisleém.

1 SAMUELI 24:5

Daudi iri slahhaá' baraá muunaáwose adoodá' pasltá inqwaarír Saulo ngiwa qawti tsaát.

1 SAMUELI 24:6

Daudi mukós guri báy, «Aasla'áy, AAKOÓ MUNGÚ dakw'eé' ngu pa/asi, gár tlaakw mawa tleéhh gawaá aakooeé' kwí taa iimbalaáx nee AAKOÓ MUNGÚ. Dakw'eé' muwa looloqoós gawaá heé AAKOÓ MUNGÚ aa iimbalaáx ar di/i.»

1 SAMUELI 26:21

Saulo guri báy, «Aníng dakuús aga tleéhh. Ki/ang garmaaeé' Daudi, án kuúng u gár tlaákwií tleehhaaká, as laarí slafingw'eé' a gár afhhamít dír geeraawoge. Aníng aga daktu'uút nee kángw kilae aga tlakweés.»