2 SAMUELI 24:1 - Biblía Axweesantá Hhohho' ar Mungú 2004

¹ Ki/imaá hatlae AAKOÓ MUNGÚ iri buúhh as xoorór Israeli. Daudi guna /agís gawaá daanduú múk Israeli, guri báy, «Múk Israeli faareek, nee múk Yudawo.»

2 SAMUELI 24:1 Iomraidhean Croise

IIMU/UUNGW 45:5

Ala daxta kuungá' ma gurhaamuutara', laqaá miti lu'umisaara' as iwa weerisé'. Aakoó Mungú aníng ina geerií huúw as slafíngw muu nguwa ba/amis.

IIMU/UUNGW 50:20

Kuungá' looeemaawo, ana slaé' aníng iwa gár tlaákw i tlehha', ala Mungú gana slaá' tawa gár hhoo', as xoorór ur ngiwa ba/amisi, adór hám i diri' laarí.

2 SAMUELI 12:11

Iia qaaseek, AAKOÓ MUNGÚ i kaahi, ‹Qaytsiít, kángw tlákw ngu tleéhh baraá múk do'óguú kilá'. Tlaawaywók unar tláw dír ilaawók wa ale, nee nguri dír inslaawmoowók haniís. Inós nee tlaawaywók tari fuquus dír ilaá múk wa alé.

2 SAMUELI 16:10

Ala waawutmo iri oó', «Xáy, gaarí a milá ar baraá tla/ángw aníng nee kuungá' daaqoó Serúya? Barnaxes AAKOÓ MUNGÚ inós gwa báy, ‹Daudi lu'usek, heé gu yaahaás a heemá oo gu báw, asma milá adoorí mara tléhh?› »

2 WAAWITÁ 3:6

Gawaá adoorihe, waawutmo Yoram iri Samaria wa tláy, slaqwaruusér Israeli gari burumbuúr sleémeero.

1 QOM'I 21:1

Neetlaangw ina sihhiít múk Israeli nguwa slahh'amií huwi, Daudi guri tliwií/ múk Israeli nguwa faari.

1 QOM'I 7:2

Daaqoó Tola a kwí: Usi, nee Refaya, nee Yerieli, nee Yamai, nee Ibsamu, nee Shemueli. Inooín a múk urén baraá tlahhoó Tolawo, nee a múk miguuse baraá slaqwaraaro baraá qarti'ine, de'emaá Daudiwo a muu kume mibeeri tsár nee tsár nee tsiire lahhoó'.

1 QOM'I 7:40

Mukwí an na/aá Asheri, múk urén oo gur'ér maraá baabi'ii'ín, múk taa tsawaár oo slaqwarár baál, nee geeraharuusér uren. Dinkwaaro a muu kume mibeeri tsár nee lahhoó'.

2 QOM'I 32:25

Ala Hesekia AAKOÓ MUNGÚ gwa sluufáy hanisiiká daanduú tí sleémeerowo, asma muunaáwós ina haáts daara/aango. AAKOÓ MUNGÚ inós guri i buúhh, nee múk Yudawo, nee múk Yerusalemúr hoota.

TI'INAANGW 7:3

Ala aníng muunuú Farao un gawdeés, tam tlehhma'aá waa/oo/amo nee layaá yaariir i tleehha baraá yaamaá Misriro.

ESEKIELI 14:9

«Nee barnaxes aarusmoosíng kwa al/aáy gaa gari oó', daqaní anuú AAKOÓ MUNGÚ ugwa al/aáy. Aníng dakw'eene aarusmoowí un hingeés dír muk'eé' oo Israeliwo.

ESEKIELI 20:25

«Slám kaahír tlakw tidá' hee birnga eehár iwa gwaai ana haniís.

TLAHHOÓ LAÁWI 10:6

Mose Aroni nee daaqaywos, Eleasari nee Itamari giri báy, «Se'eemerhúng ma xaafara' nee tsitayhúng mu feehhamiisara' as tsuunqumis, bar adooriheeká tundu tsuu/ nee AAKOÓ MUNGÚ, xooro sleémeero gari i buuhh. Ala hhaeehúng awa xoorór Israeli ngi aleeslayá' iwa hheehhe'eemiisiya' as asltadá' AAKOÓ MUNGÚ naa huwi.

FAARO 1:19

adoodár kilá' Mose kura hara'ayín nee AAKOÓ MUNGÚ. Mose mukwí guna faár baraá xaanxoó Sinaír wa aleeró.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

2 Tesalonike 2:11

Gaarí an gár Mungú inooín ngisa ya/án kiwa qwaareesi, asma inooín lama kana haratlintií' hariímár looeemaá wa ale.

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 2:20

Naagáy AAKOÓ MUNGÚ iri ló'wa qa/iít buhhtaawo dír múk Israeli, inós iri oó', «Xooroorí alqaduueé' kudá' naa baabi'ii'íní oó' gina haaliín, asma afor'eé' ngaa iiárií qaasi'iiká.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›